Fact Check : विमानतळावर लघूशंका करणारा तो युवक आर्यन खान नाही

कोर्डेलिया क्रुझवर एनसीबीने (NCB) केलेल्या कारवाईनंतर आर्यन खान (Aryan khan) चर्चेत आला होता. त्यानंतर आता पुन्हा आर्यन खान चर्चेत आलाय. व्हायरल झालेल्या एका व्हिडीओमुळे आर्यन चर्चेत आला आहे. यामध्ये एक युवक प्रतिक्षाकक्षासमोर लघवी करत असल्याचं दिसतंय. हा युवक आर्यन खान असल्याचा दावा काही लोकांनी केला आहे. नवाब मलिक यांनी देखील यावर ट्विट करत आयटीसेल एक्सपोज झाल्याचं म्हटलं आहे.

विमान तळावर लघुशंका करणारा हा युवक आर्यन खान असल्याचा दावा खोटा असल्याचं आढळून आलं आहे. द क्विंटने दिलेल्या वृत्तानुसार व्हिडीओमध्ये दिसणारी ही व्यक्ती ब्रॉन्सन पेलेटियर हा 'ट्युबलाइट' चित्रपटाचा अभिनेता होता. मद्यधुंद अवस्थेत असलेल्या पेलेटियर याने 2012 मध्ये लॉस एंजेलिस आंतरराष्ट्रीय विमानतळाच्या लॉबीवर लघवी केली होती. हा व्हिडीओ आता काही लोकांनी आर्यन खानचा असल्याचं म्हटलं होतं.