Farhan Akhtar On Ranveer: डॉन 3 मध्ये शाहरुखला सोडून रणवीरला का घेतलं? अखेर फरहाननं अखेर कारण सांगून टाकलं

Farhan Akhtar on casting Ranveer in 'Don 3': गेल्या काही दिवसापासून बॉलिवूडमध्ये डॉन चित्रपटाची चर्चा आहे. दिग्दर्शक फरहान अख्तरने 'डॉन 3' चा टिझर देखील शेयर केला होता. ज्यात शाहरुख खान नाही तर रणवीर सिंग डॉन बनणार असल्याची घोषणा त्याने केली. मात्र रणवीर सिंगला डॉनच्या भुमिकेत पाहणं अनेकांना खटकलं आहे.

त्यामुळे सोशल मीडियावर नेटकरी नाराज देखील झाले. त्यांनी रणवीर सिंगला ट्रोल देखील केले. रणवीर सिंगचा डॉन3 मधील फर्स्ट लूक समोर आल्यानंतर निर्मात्यांना देखील चित्रपटाच्या कास्टिंगवरून खूप ट्रोल केलं होते आता फरहान अख्तरने अखेर या सर्व प्रकरणावर मौन सोडत प्रतिक्रिया दिली आहे.

फरहान अख्तरने नुकत्याच एका मुलाखतीत रणवीरला कास्ट करण्याबाबत आणि चित्रपटाबाबत अनेक खुलासेही केले आहेत.

फरहान अख्तर म्हणाला की, ' मी खरोखर या गोष्टीला पुढे नेण्यास उत्सुक आहे. रणवीर अप्रतिम आहे. रणवीर या भूमिकेसाठी पूर्णपणे फिट आहे. या भूमिकेसाठी तो उत्तम आहे. तो खरोखर उत्साही आहे आणि चिंतेत देखील आहे, कारण ही भूमिका म्हणजे खूप मोठी जबाबदारी आहे. या भूमिकेत जेव्हा पुर्वी शाहरुखने जेव्हा अमिताभ बच्चन यांची जागा घेतली होती तेव्हा देखील लोक त्याला म्हणाले की तो बच्चनची जागा कसा घेऊ शकतो?'

पुढे तो म्हणतो की, रणवीर सिंग खूप छान काम करेल याचा मला विश्वास आहे. चित्रपटाची स्क्रिप्ट आणि चित्रपट माझ्या व्हिजननुसार काम करेल याची खात्री करण्याची जबाबदारी आता माझ्यावर आहे.

जेव्हा त्याला डॉनची भुमिका साकारण्यासाठी कोणते गुण आवश्यक आहेत हे विचारण्यात आलं तेव्हा तो म्हणाला की, 'आत्मविश्वास, एमर्जी आणि मन लावुन काम करण्याची क्षमता.' डॉन3 चित्रपट जानेवारी 2025 मध्ये प्रदर्शित होईल.