रणबीर कपूर स्टारर चित्रपटाचा सेटला आग, मोठी दुर्घटना टळली | Sakal
sakal

बोलून बातमी शोधा

fire at ranbir kapoor starrer luv ranjan film sets at chitrakoot studio andheri mumbai

रणबीर कपूर स्टारर चित्रपटाचा सेटला आग, मोठी दुर्घटना टळली

मुंबई : रणबीर कपूर स्टारर आणि चित्रपट निर्माते लव रंजन यांच्या अद्याप शीर्षक नसलेल्या चित्रपटाच्या सेटवर शुक्रवारी दुपारी आग लागली. मुंबईतील अंधेरी पश्चिम भागातील चित्रकूट स्टुडिओमध्ये या चित्रपटाच्या सेटवर काम सुरू होते. स्टुडिओमधील हा सेट प्लॅस्टिक आणि थर्माकोलचा होता, त्यामुळे आग मोठ्या प्रमाणात पसरली. दरम्यान आगीवर नियंत्रण मिळवण्यासाठी अग्निशमन दलाच्या 8 हून अधिक गाड्या घटनास्थळी दाखल झाल्या.

मिळालेल्या माहितीनुसार प्री-लाइटिंग सुरू असताना हा अपघात झाला. लव रंजन हे येथे त्याच्या चित्रपटासाठी एक गाणे शूट करण्याचा विचार करत होते. मात्र, या अपघातात कोणतीही जीवितहानी झाल्याचे वृत्त नाही. त्याचवेळी अपघाताचे कारण अद्याप समजू शकलेले नाही. अग्निशमन दलाच्या अधिकाऱ्यांनी दिलेल्या माहितीनुसार ही लेव्हल 2 ची आग होती.

हेही वाचा: अंधेरीत सिनेमाच्या सेटला भीषण आग; अग्निशमन दलाच्या 8 गाड्या दाखल

लव रंजन यांच्या ज्या सेटवर आग लागली त्याच्या शेजारी राजश्री प्रॉडक्शनचे दोन सेट होते. ही आग लगतच्या सेटपर्यंत पोहोचली. सनी देओलचा मुलगा आणि अभिनेता राजवीर देओलही येथे शूटिंग करत होते. आग इतकी भीषण होती की ती त्यांच्या सेटपर्यंत पोहोचली. दरम्यान या घटनेत कोणालाही दुखापत झाली नाही आणि चित्रपटाचे शूटिंग थांबवून कलाकार-क्रूला घरी पाठवण्यात आले आहे.

हेही वाचा: पत्रा चाळ : संजय राऊतांविरुद्ध साक्ष देणाऱ्या महिलेला बलात्काराच्या धमक्या

Web Title: Fire At Ranbir Kapoor Starrer Luv Ranjan Film Sets At Chitrakoot Studio Andheri Mumbai

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..