Video 'ऊ अंटावा' गाण्याची पडद्यामागील धमाल; पहा गणेश आचार्यचा डान्स

गणेश आचार्यने दाखवली स्टेप, अल्लू अर्जुन-समंथा झाले अवाक्!
Oo Antava
Oo Antava

अल्लू अर्जुनची (Allu Arjun) मुख्य भूमिका असलेल्या 'पुष्पा' (Pushpa) या चित्रपटातील 'ऊ अंटावा' (Oo Antava) या गाण्याने सोशल मीडियावर अक्षरश: धुमाकूळ घातला आहे. अभिनेत्री समंथा रुथ प्रभूच्या (Samantha Ruth Prabhu) करिअरमधील हा पहिलाच आयटम साँग आहे. प्रसिद्ध कोरिओग्राफर गणेश आचार्य यांनी या गाण्याची कोरिओग्राफी केली आहे. नुकताच त्यांनी या गाण्याच्या पडद्यामागील धमालचा व्हिडीओ सोशल मीडियावर पोस्ट केला आहे. हा व्हिडीओ सोशल मीडियावर चांगलाच व्हायरल होतोय. यामध्ये गणेश आचार्य (Ganesh Acharya) हे अल्लू अर्जुन आणि समंथाला स्टेप्स शिकवताना दिसत आहेत. आपल्या एका असिस्टंटसोबत ते गाण्यामधील हुक स्टेप यामध्ये करताना दिसत आहेत.

गणेश आचार्य यांनी पोस्ट केलेल्या या व्हिडीओला ९५ हजारांहून अधिक लाइक्स मिळाले आहेत. तर अनेक कलाकारांनी त्यावर कमेंट्स करत कौतुक केलं आहे. या गाण्यात समंथाचा बोल्ड लूक, तिचे हावभाव, नृत्यकौशल्य पाहून चाहते अवाक् झाले आहेत. समंथाने आतापर्यंत तिच्या करिअरमध्ये एकही आयटम साँग केलं नव्हतं. दाक्षिणात्य चित्रपटसृष्टीतील प्रसिद्ध संगीतकार देवी श्री प्रसाद यांनी हे गाणं संगीतबद्ध केलं आहे. 'डॅडी मम्मी', 'रिंग रिंगा', 'सुपर माची' यांसारखी काही सुपरहिट गाणी त्यांनी इंडस्ट्रीला दिली आहेत.

Oo Antava
'खूश राहायचं असेल तर लग्नच करू नका'; घटस्फोटाबाबत राम गोपाल वर्मा यांचा सल्ला

या गाण्यासाठी समंथाने एक-दोन नव्हे तर तब्बल पाच कोटी रुपये मानधन घेतल्याचं समजतंय. गायिका कनिका कपूरने हिंदी व्हर्जनमधील गाणं गायलं आहे. रकीब अलमने हिंदी गाण्याचे बोल लिहिले आहेत.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com