Gautami Patil: '...तर मी ऐकून घेणार नाही', गौतमी पाटीलचा घनश्याम दरोडेला इशारा

गेल्या काही दिवसांपासुन नृत्यांगना गौतमी पाटील गेल्या काही दिवसांपासून सातत्याने चर्चेत आहे. गेल्या काही दिवसांमध्ये तिच्या डान्सवरती आणि तिच्या पाटील आडनावावरून ती बरीच चर्चेत आली. काहींनी तिला पाठिंबा दिला तर काहींनी विरोध केला. अशातच गौतमी पाटीलने महाराष्ट्राचा बिहार करू नये म्हणत महाराष्ट्राचा छोटा पुढारी घनश्याम दरोडे याने गौतमीला डिवचलं. त्यानंतर आता दोघांनी एकमेकांना उत्तर देण्यास सुरवात केली आहे.

खेडचे आमदार दिलीप मोहिते पाटील यांच्या वाढदिवसा निमित्त गौतमी पाटीलचा कार्यक्रम आयोजित करण्यात आला होता. या कार्यक्रमा दरम्यान गौतमी पाटीलने ‘टीव्ही 9 मराठी’ला प्रतिक्रिया दिली. त्यावेळी गौतमीने प्रतिक्रीया दिली आहे. दिलीप मोहिते यांना आपण आज पहिल्यांदाच भेटलो, त्यांनी कलाकाराची जाण राखली, असंही गौतमीने म्हंटलं आहे.

दरम्यान यावेळी बोलताना गौतमीला महाराष्ट्राचा छोटा पुढारी घनश्याम दरोडे याने केलेल्या टीकेबद्दल प्रश्न विचारण्यात आला. त्यावर गौतमीने सडेतोड उत्तर दिलं आहे.

गौतमी म्हणाली कि, “मी घनश्यामला एकच सांगते, तू आधी माझ्या कार्यक्रमाला ये. माझा कार्यक्रम बघ. त्यानंतर काही आरोप करायचे असतील तर कर. आधी मला दाखव की मी काय चुकतेय. तू डायरेक्ट माझ्यावर आरोप करशील तर मी सुद्धा ऐकून घेणार नाही. माझी चूक दिसू तर दे. तू आधी कार्यक्रम बघ मग बोल”, अशी शब्दांत गौतमीने घनश्याम दरोडेला सडेतोड उत्तर दिलं आहे.

तर बीडच्या एका शेतकरी पुत्राने गौतमीच्या सगळ्या अटी मान्य करत लग्नाची मागणी घातली आहे. विशेष म्हणजे त्याने त्याच्या घराचा पत्तादेखील दिलाय. बीड जिल्ह्यातल्या केज तालुक्यातील चिंचोलीमाळी येथील रोहन गलांडे पाटील या तरुणाने गौतमीला थेट लग्नाची मागणी घातली आहे. पत्रामध्ये त्याने, तुझ्या इच्छा-अटी सगळ्या मान्य, बोल तू होती का माझी परी? असं म्हटलं आहे.

'तू जशी आहेस तशी मला आवडली आहेत. तुझ्यासोबत कुणी लग्न करत नसेल तरी मी माणुसकीच्या नात्याने तुझ्यासोबत लग्न करायला तयार आहे. मी एक शेतकरी पुत्र असून शेती, दूध सगळं संपन्न आहे. तुझी तयारी असेल तर भेटायला ये' असं पत्रामध्ये रोहन गलांडे पाटील याने म्हटलंय.

त्यावर प्रतिक्रिया देताना गौतमी म्हणाली की,'“माझी सध्या तरी लग्नाची इच्छा नाहीय. मी ज्यावेळेस लग्न करेन त्यावेळी आपल्याला कळवेन”.