Hardeek Joshi Video: हार्दिकचा शर्टलेस लूक पाहून अक्षया सोशल मीडियावरच झाली लट्टू.. कमेंट करत म्हणाली..

Hardeek Joshi Video: हार्दिक जोशीचं व्यक्तिमत्त्व भारी आहे यात दुमत नाही. उंचपुरा,पिळदार शरीर हे त्याचे युएसपी आहेत असं म्हटलं तर चुकीचं नक्कीच ठरणार नाही. त्यात तो अंगानं जरी मजबूत असला तरी त्याच्या वागण्यात खूप साधेपणा ठासून भरला आहे. आता 'तुझ्यात जीव रंगला' या त्याच्या मालिकेत म्हणूनच तर त्यानं रंगवलेला 'राणा दा' आजही सगळ्यांच्या मनात आपलं स्थान कायम ठेवून आहे.

त्या मालिकेतील 'राणा दा' आणि 'पाठक बाईं'च्या जोडीनं वेड लावलं होतं प्रेक्षकांना. मालिकाविश्वात आपलं नाव कमावलेला हार्दिक 'हर हर महादेव' या सिनेमात नुकताच आपल्याला दिसला होता. यात त्यानं छत्रपती शिवाजी महाराजांच्या मावळ्याची भूमिका साकारली होती.

त्या सिनेमाच्या शूटिंग दरम्यान हार्दिकनं एक व्हिडीओ शूट केला होता. जो त्यानं आता नुकताच पोस्ट केला आहे. त्यात तो शर्टलेस असल्यानं त्याची पिळदार बॉडी सगळ्यांचेच लक्ष वेधून घेताना दिसत आहे.(Hardeek Joshi shirtless video viral on social media akshaya devdhar comment)

या व्हिडीओत आपण पाहू शकतो की हार्दिक शर्टलेस आहे आणि एका किल्ल्याच्या कड्यावर उभा राहून पहाटे सूर्यासमोर नतमस्तक होताना दिसत आहे. हार्दिक ज्या रुबाबात व्हिडीओत चालताना दिसत आहे त्याचा थाटच काही और. त्याच्या अंगात जानवं देखील आहे.

या व्हिडीओत हार्दिकचं पिळदार शरीर पाहून लोकांनी मात्र कमेंट्सचा वर्षाव केलेला दिसून येत आहे. पण यात एक कमेंट मात्र लक्ष वेधून घेत आहे ती आहे पाठकबाई अर्थात त्याची पत्नी अभिनेत्री अक्षया देवधरची.

तिनं हार्दिकच्या व्हिडीओवर हार्ट इमोजी पोस्ट केला आहे. तर हार्दिकच्या एका चाहत्यानं लिहिलं आहे, 'फक्त राणादा..' तर अनेकांनी 'हर हर महादेव'चा यलगार आपल्या कमेंटमधून लावला आहे.

तर एका नेटकऱ्यानं लिहिलं आहे,'राणादा लय भारी'. तर कुणी एकानं लिहिलं आहे,'एकच नं भावा फक्त राणादा'.

हार्दिकचा हा व्हिडीओ सध्या सोशल मीडियावर जोरदार व्हायरल होत आहे. हार्दिकचा नवा सिनेमा लवकरच आपल्या भेटीस येत आहे. सध्या हार्दिकनं मालिकांकडून आपला मोर्चा सिनेमाकडं वळवला आहे. त्याचे चाहते देखील त्याच्या या नव्या सिनेमाच्या प्रतिक्षेत आहेत.