Hemangi Kavi: लइका मे होला लढाई.. या भोजपुरी गाण्यावर थीरकली हेमांगी कवी.. video व्हायरल..

Hemangi kavi viral video: हेमांगी कवी हे मराठी मनोरंजन विश्वातील एक महत्वाचं नावं आहे. अनेक मालिका, चित्रपट, नाटकात तिने तिच्या अभिनयाची छाप सोडली आहे. अभिनयासोबतच निरनिराळ्या कारणाने ती चर्चेत असते.

ती अत्यंत परखडपणे आपले पुरोगामी विचार लोकांपर्यंत पोहचवत असते. प्रत्येक विषयावर आपलं रोखठोक मत ती मांडत असते. ती सोशल मीडियावर कायमच सक्रीय असते. सतत काहीना काही पोस्ट करत असते, रील टाकत असते. आज मात्र तिने एक भन्नाट व्हिडिओ शेयर केला आहे. यावेळी ती चक्क भोजपुरी गाण्यावर थीरकली आहे.

(Hemangi Kavi dance on bhojpuri song laika laika me hola ladhai share video reel viral )

हेमांगीनं नुकताच एक व्हिडिओ शेयर केला आहे. यामध्ये हेमांगी आपल्या घरातच बसून डान्स करते आहे. तिने हे रील शूट करून शेयर केले आहे. ज्यामध्ये ती चक्क भोजपुरी गाण्यावर थिकरली आहे. '' जाओ कालेजव में का करेलु पढाई.. टी का करी.. लाइक लाइका में होला लड़ाई.. होला लड़ाई.. होला लड़ाई..'' असे या गाण्याचे शब्द आहेत.

हेमांगीने अगदी भावपूर्ण अभिनय करत ही रील शूट केली आहे. तिचे हावभाव अत्यंत मजेशीर आणि गाण्याला साजेसे वाटतात. त्यामुळे गाणं आपल्याला कळत नसलं, त्याचा अर्थ कळत नसला तरी हेमांगीचा व्हिडिओ मात्र आपल्याला सहज आवडून जातो.

हेही वाचा : संतुलित आहारातून रोखा फॅटी लिव्हरचा आजार

हेमांगीने या व्हिडिओला कॅप्शनही तसेच भन्नाट दिले आहे. ''देसी बैकस्ट्रीट बॅाईज कान्सर्ट! '' असं ती म्हणाली आहे. तिच्या या व्हिडिओवर नेटकरी फुल्ल फिदा झाले असून काही मिनीटातच हा व्हिडिओ व्हायरल झाला आहे. याच्यावर अनेकांनी कमेंट करत हेमांगीच्या अभिनयाचं कौतुक देखील केलं आहे. एकानं तर 'मी हा व्हिडिओ सारखा सारखा पाहतोय पण मन भरत नाहीय.. इतका भारी केला आहेस' असं म्हंटले आहे.