Bigg Boss 16: सलमानचा जलवा अन् स्पर्धकांचे राडे! बिग बॉसने केली रेकॉर्ड ब्रेक कमाई

Bigg Boss 16 Revenue: बिग बॉसची लोकप्रियता ही सर्वांनाच माहित आहे. त्यामूळेच तर या शोची प्रेक्षक आतूरतेने वाट पाहत असतात. बिग बॉसचा 16वा सीझन तर सतत चर्चेत आहे. शोमध्ये येणारे नवनवे ट्विस्ट प्रेक्षकांच लक्ष वेधून घेत आहे. त्यातच वाइल्ड कार्ड एंट्रीने शोमध्ये नवी आग लावली असतानाच, लोकांच्या नजरा बिग बॉसच्या खेळावरही खिळल्या आहेत. बिग बॉसची गणना आतापर्यंतच्या सर्वात यशस्वी नॉनफिक्शन टेलिव्हिजन रिअॅलिटी शोमध्ये केली जाते.

याचा महत्वाचा दुवा हा सलमान खान आहे. 12 वर्षांपासून सातत्याने तो या शोचे सूत्रसंचालन करत आहे. हा शो मनोरंजनाबरोबरचं पुर्ण पैशाचा खेळ आहे, जो ब्रँड एंडोर्समेंट्स, प्रायोजकत्व, चित्रपटाची जाहिरात इतकच नाही तर अनेक इतर गोष्टींद्वारे कमावतो. आता बिग बॉस 16 च्या कमाईचे आकडे समोर आले आहेत, जे पाहिल्यानंतर तुम्हाला धक्काचं बसेल. हो, कुण्या हिट चित्रपटापेक्षाही जास्त कमाई हा शो करत आहे.

मीडिया रिपोर्ट्सनुसार, गेल्या वर्षी बिग बॉस ओटीटीने 120 कोटींची कमाई केली होते. जाहिरातीतून बिग बॉस 16 रेव्हेन्यूने 150 कोटी कमावले. त्यातच शोची लोकप्रियता दिवसेंदिवस वाढत चालली आहे, त्यामूळे या सीझनची कमाई जवळपास 180 ते 200 कोटींच्या आसपास सहज होइल असा अंदाज लावला जात आहे.

बिग बॉसच्या सीझन 16 मध्ये टीव्ही आणि ओटीटीवरील दर्शकांमध्ये 41% आणि 40% वाढ झाली आहे. बिग बॉस OTT प्लॅटफॉर्म Voot वर प्रसारित होतो. लोकांमध्ये त्याची प्रचंड क्रेझ आहे, याचा अंदाज लावण्यासाठी आकडेवारी पुरेशी आहे. त्याच्या कमाईच्या या आकडेवारीवरून हे मात्र स्पष्ट होतं की, यंदाचा सिझनही त्याची जादू दाखवण्यात यशस्वी झाला आहे.