Jeremy Renner: ॲव्हेंजर्स’ व्हायला गेला ३० हाडं मोडून आला... फोटो व्हायरल

Hollywood actor Avengers Jeremy Renner : 'ॲव्हेंजर्स' चित्रपटातील प्रसिद्ध अभिनेता जेरेमी रेनरचा अपघात झाला आहे. 'मार्वल' स्टार जेरेमी रेनर नुकताच त्याच्या घराजवळील बर्फ साफ करताना गंभीर जखमी झाला.त्यानंतर त्याला रुग्णालयात दाखल करण्यात आलं होतं.

याआधीही जेरेमीने त्याच्या इन्स्टाग्राम हँडलवर अपघातानंतरचा पहिला फोटो शेअर करत त्याच्यासाठी प्रार्थना करणाऱ्याचे त्‍याच्‍या चाहत्‍यांचे आणि मित्रांचेही आभार मानले होते.

अनेक दिवस त्यांच्यावर रुग्णालयात उपचार सुरू होते. जिथे डॉक्टरांनी त्याच्यावर शस्त्रक्रियाही केली. मात्र, आता रुग्णालयातून डिस्चार्ज मिळाल्यानंतर तो घरी आला असून तो घरीच उपचार घेत आहे. आता या अभिनेत्याने एक धक्कादायक खुलासा केला आहे. जे ऐकून त्याचे चाहते खूप दुखी झाले आहेत.

त्याने इंस्टाग्राम अकाउंटवर एक फोटो शेअर केला आहे. ज्यामध्ये तो बेडवर पडून व्यायाम करताना दिसत आहे. त्याने फोटो शेअर केला आणि लिहिले, "या खास नवीन वर्षाच्या सकाळच्या वर्कआउटमध्ये, संकल्प सर्व बदलले आहे. माझ्यासाठी आणि आमच्या कुटुंबासाठी प्रार्थना करणाऱ्या लाखो चाहत्यांचे आभार मानू इच्छितो. तुम्हा सर्वांचे खूप प्रेम आणि कौतुक. ही 30 हून अधिक तुटलेली हाडं बरे होतील, मजबूत होतील सर्वांचे आभार"

जेरेमी रेनर हा हॉलिवूडमधला खूप लोकप्रिय अभिनेता आहे. गेल्या काही वर्षांमध्ये, जेरेमी अनेक चित्रपटांमध्ये दिसला आहे. मार्वल सिनेमॅटिक युनिव्हर्समध्ये, तो अ‍ॅव्हेंजर्सचे सर्व चित्रपट आणि नवीनतम वेब सिरीज 'हॉकआई' मध्ये क्लिंट बार्टन या भूमिकेसाठी प्रसिद्ध आहे.