हृतिक रोशनच्या बहिणीचा डान्स पाहिलात का?

मुंबई-  सोशल मीडियावर सेलिब्रिटींसोबतच त्यांचे कुटुंबीय देखील चर्चेत असतात. काही दिवसांपूर्वीच सुहाना खानची मामे बहीण चर्चेत आली होती. त्यानंतर आता अभिनेता हृतिक रोशनची बहीण चर्चेत आली आहे. हृतिकने इन्स्टाग्रामवर त्याची चुलत बहिण पश्मिना रोशनचा एक व्हिडीओ शेअर केला आहे. या व्हिडीओमुळे पश्मिना चर्चेत आली आहे.

हे ही वाचा: ‘बालिका वधू' फेम अविका गौरला डेट करत असलेला मिलिंद चंदवानी आहे तरी कोण?    

पश्मिना रोशन ही हृतिकची चुलत बहीण असून तिच्या वाढदिवसानिमित्त हृतिकने तिचा एक डान्स व्हिडीओ शेअर केला आहे. तसंच तिच्यासाठी खास पोस्ट देखील लिहिली आहे. पश्मिना ‘बाजीराव- मस्तानी’ या सिनेमातील 'मोहे रंग दो लाल' या गाण्यावर डान्स करताना दिसतेय. विशेष म्हणजे या गाण्यावर ताल धरताना पश्मिनाची देहबोली,  तिच्या चेहऱ्यावरील हावभाव हे खरंच वाखाणण्याजोगे आहेत. त्यामुळे सध्या तिचा हा व्हिडीओ हृतिक रोशनच्या चाहत्यांमध्ये चर्चेचा विषय ठरत आहे.

हृतिकने हा डान्स व्हिडिओ शेअर करताना लिहिलंय 'तू खरंच एक स्टार आहेस पश्मिना. मग ते ऑनस्क्रीन असो किंवा ऑफस्क्रीन. अशीच आनंदात राहा. वाढदिवसाच्या खूप शुभेच्छा'. हृतिकने हा व्हिडीओ शेअर केल्यानंतर तो सोशल मीडियावर चांगलाच गाजलाय. या व्हिडीओवर चाहत्यांचा मोठ्या प्रमाणावर प्रतिसाद मिळतोय.

hrithik roshan has posted a dance video of his sister pashmina wrote you are a star