Video Viral: 'भीतीवर कसं ठेवणार नियंत्रण?' हृतिक रोशन काय म्हणतोय पहा... Hrithik Roshan | Sakal
sakal

बोलून बातमी शोधा

Hrithik Roshan teaches son Hridhaan how to conquer his fear as he gets scared before bungee jump. Watch

Video Viral: 'भीतीवर कसं ठेवणार नियंत्रण?' हृतिक रोशन काय म्हणतोय पहा...

अभिनेता हृतिक रोशन(Hrithik Roshan) आपल्या दोन्ही मुलांसोबत वेळ घालवताना दिसतो. तो अनेकदा त्यांना घेऊन सहलीवरही जात असतो आता सध्या हृतिकचा मुलासोबतचा एक व्हिडीओ जोरदार व्हायरल होत आहे. हृतिकची मुलं त्याच्यासारखीच स्पोर्टी आहेत. त्यांना देखील आपल्या वडीलांसारखेच अॅडव्हेंचर अॅक्टिव्हिटी करणं आवडतं. नुकतेच हृतिक रोशनने बंजी जंपिंग करतानाचा आपल्या मुलांसोबतचा व्हिडीओ शेअर केला आहे. व्हिडीओच्या सुरुवातीला दिसत आहे हृदान रोशन एकदम रेडी पोझिशनमध्ये म्हणजे बंजी जंपिंग करण्यासाठी उडी मारण्यासाठी टोकावर बसलेला दिसत आहे. हृतिक रोशन हा व्हिडीओ रेकॉर्ड करत आहे आणि म्हणताना दिसत आहे,''जर तुम्ही कोणत्या गोष्टीला घाबरत असाल,तर लक्षात ठेवा तुम्ही त्याच गोष्टीवर अधिक प्रेम करायला लागता''. हा व्हिडीओ इंटरनेटवर जोरदार व्हायरल होताना दिसत आहे. या व्हिडीओत हृतिक त्याच्या मुलाला भीतीवर कसं नियंत्रण मिळवायचं हे शिकवताना दिसत आहे.(Hrithik Roshan teaches son Hridhaan how to conquer his fear as he gets scared before bungee jump. Watch)

हेही वाचा: आकांक्षा सिंग झाली मिकाची नवराई.. 12 वर्षांची मैत्री आणि मग स्वयंवर..

हृतिक एवढं बोललल्यानंतर त्याचा मुलगा हृदाननं एक मोठा दिर्घ श्वास घेतला,कारण ट्रेनर त्याला काहीतरी सांगत आहे. हृतिकनं आपल्या मुलाचं मनोबल वाढवत म्हटलं, ''हळू,हळू, पुरेसा वेळ घे,तुला काहीच लागणार नाही.तुझ्या मेंदूवर नियंत्रण ठेव, त्याला सांग आता ५ सेकंदात आपण खाली झोकून देणार आहोत स्वतःला. मला वाटतं हे करायला तू शिकलं पाहिजेस,यानंतर ते तुला सहज शक्य होईल, अगदी कुठल्याही बाबतीत आपल्या मेंदूवर,मनावर कंट्रोल करणं तू शिकशील''.

Hrithik Roshan teaches son Hridhaan how to conquer his fear as he gets scared before bungee jump. Watch

Hrithik Roshan teaches son Hridhaan how to conquer his fear as he gets scared before bungee jump. Watch

जसं हृदान उडी मारण्यासाठी तयार झाला,त्यानं आपल्या वडीलांना विचारलं की,''तो यामध्ये जिंकेल ना?'' हृतिक पटकन म्हणाला, ''हो नक्कीच. तुला माहित आहे हे कसं करायचं. तुला तुझ्या मेंदूवर कसं नियंत्रण ठेवायचं हे माहित आहे. आता जास्त विचार नको करू''. हृदानने उडी मारताच हृतिकही मुलाला ओरडून चिअर करताना दिसत आहे.

हृतिकने या व्हिडीओत आपल्या चाहत्यांशी संवाद साधतना म्हटलं आहे की,''कितीतरी वेळा जेव्हा मला भिती वाटते. तेव्हा मी हृदानचा विचार करतो. जेव्हा तुम्हाला मनात भिती वाटेल कोणत्या गोष्टीची तेव्हा या व्हिडीओत हृदानने स्वतःच्या भीतीवर कसं नियंत्रण मिळवलं अन् भीतीला हरवलं ते पहा. हे खूपच भन्नाट आहे. आजचा दिवसही ग्रेट ज्यादिवशी हृदानने आपल्या भीतीवर कंट्रोल मिळवला आहे''. हृतिकनं चाहत्यांना या व्हिडीओच्या माध्यामातून फ्लाइंग किसही दिलं आहे.

हेही वाचा: Koffee With karan 7 शो ची कार्तिकने उडवली खिल्ली, म्हणाला, 'मला अभिमान....'

पुढच्या व्हिडीओच्या क्लीपमध्ये हृतिक आपल्या मुलांसोबत फोटो काढताना दिसत आहे. हृतिकने हा व्हिडीओ पोस्ट करत त्याला कॅप्शन दिले आहे की, ''भीतीवर नियंत्रण मिळवलं,आजचा दिवस ग्रेट,थ्रोबॅक!'' हृतिकच्या या पोस्टवर प्रतिक्रिया देताना एका चाहत्याने लिहिले आहे की,'तुम्ही एक चांगले पिता आहात. आपल्या मुलाला त्याच्या भीतीवर नियंत्रण मिळवण्यासाठी खूप छान पद्धत समजावून सांगितली, तो देखील खूप धाडसी आहे'. तर दुसऱ्या एका चाहत्यानं हृतिकच्या व्हिडीओवर कमेंट केली आहे की, 'तुम्हाला माहित आहे का सर,तुमची मुलं खूप भाग्यवान आहेत. कारण तुम्ही त्यांचे वडील आहात,ही खूप अभिमानाची गोष्ट आहे'.

Web Title: Hrithik Roshan Teaches Son Hridhaan How To Conquer His Fear As He Gets Scared Before Bungee Jump

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..