मुंबई : बॉलिवूडमध्ये जितकी चर्चा कलाकारांची आहे तेवढीच किंबहूना अधिक चर्चा त्यांच्या मुलांची म्हणजेच स्टार किड्सची आहे. त्यातच जर सर्वाधिक पसंती असलेला आणि वयाच्या तीसऱ्या वर्षीच फेमस असलेला स्टार किड म्हणजे तैमुर अली खान. करीना आणि सैफ अली खानचा मुलगा तैमुर इंटरनेट सेंसशन आहे. तैमुरची एक झलक टिपण्यासाठी पॅपराझीही धडपड करत असतात. तैमुरच्या फोटोंपासून ते अगदी त्याच्या कपड्यांपर्यंत सर्व काही सोशल मीडियावर ट्रेंड होत असतं. त्याच्या मामाचं म्हणजेच अरमान जैनचं लग्न झालं मात्र त्यातही तैमुरच्या स्वॅगने सर्वांच लक्ष वेधून घेतलं.
कपूर घराण्यात सध्या 'शादी सिझन' सुरु आहे. करीना कपूर खान आणि करिश्मा कपूर यांचा भाऊ अरमान जैन याचं लग्न पार पडलं आहे. अरमान जैन आणि अनिस्सा मल्होत्रा हे लग्नबंधनात अडकले आहेत. अभिनेते राज कपूर यांचा अरमान नातू आहे. तर, करिश्मा आणि करीनाचा तो आत्येभाऊ आहे. सध्या या लग्नाचे फोटो सोशल मीडियावर चांगलेच व्हायरल होत आहेत. मेहेंदी, हळद, संगीत अशा कार्यक्रमांचे कपूर घराण्याचे फोटो सोशल मीडियावर व्हायरल होताना दिसत आहेत.
यामध्ये छोटा तैमुर कसा मागे राहणार ? मामाच्या लग्नात तोही तयार होऊन आनंद लुटतो आहे. खरंतर लग्न आहे मामाचं पण, चर्चा होतेय ती भाचा तैमुरचीच ! तैमुर मामाच्या लग्नात नाचतो आहे त्याचे व्हिडीओ आणि फोटोंनी चाहत्यांचे मन जिंकले आहे. शिवाय मम्मा करीनासोबत त्याने फोटोशूट केले ज्यामध्ये हा पठ्ठ्या पोस देतो आहे. यामध्ये करीना पिवळ्या रंगाच्या साडीमध्ये, काळ्या रंगाच्या कुर्त्यामध्ये डॅडी सैफ आणि निळ्या रंगाच्या कुर्त्यामध्ये तैंमुर भाव खाऊन गेलाय.
अरमान जैन हा राज कपूर यांची कन्या रिमा जैन यांचा मुलगा आहे. अरमान व अनिसा हे लहानपणापासून एकमेकांना ओळखतात. गेल्या चार वर्षांपासून हे दोघं डेट करत आहेत. गेल्या वर्षी अरमानचा साखरपुडा पार पडला.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.