Jawan: साऊथ इंडियन पेहरावात शाहरुख मुलीसह वेंकटेश्वर मंदिरात, जवान हिट होण्यासाठी देवाला साकडं

शाहरुखच्या जवानची सगळीकडे क्रेझ आहे. जवान आता अवघ्या काहीच दिवसात रिलीज होणार आहे. जवानच्या अॅडव्हान्स बुकींगला तुफान प्रतिसाद मिळाला आहे. शाहरुखने जवाननिमित्ताने त्याच्या आधीच्या सर्व सिनेमांचे रेकॉर्ड ब्रेक केले आहेत.

जवान सुपरहिट होण्यासाठी शाहरुखने कंबर कसली आहे. अशातच शाहरुख काल ४ सप्टेंबरला तिरुपती येथील वेंकटेश्वर मंदिरात दर्शनासाठी गेलाय. यावेळी त्याच्यासोबत जवान सिनेमातली सहकलाकार नयनतारा आणि मुलगी सुहाना खान दिसले.

(Shah Rukh Khan at Sri Venkateshwara Swamy temple tirupati)

साऊथ इंडियन पेहरावात शाहरुखने वेधलं सर्वांचं लक्ष

जवान रिलीज होण्याआधी शाहरुख अनेक मंदिरांना भेट देऊन मनोभावे प्रार्थना करताना दिसतोय. यापूर्वी किंग खान माता वैष्णोदेवीच्या दरबारात जम्मूला पोहोचला होता. आणि आता तो आंध्र प्रदेशातील तिरुपतीला दर्शन घेण्यासाठी गेलाय.

तिरुपती मधील श्री व्यंकटेश्वर मंदिरात शाहरुखने जाऊन आशीर्वाद घेतले. त्याच्यासोबत मुलगी सुहाना आणि 'जवान' अभिनेत्री नयनताराही होती. ANI ने शाहरुखचा व्हिडीओ शेअर केलाय. शाहरुख साऊथ इंडियन पेहरावात दिसत तो स्मितहास्याने फॅन्सवर प्रेम दर्शवताना दिसतोय.

जवानमधल्या त्या डायलॉगवरुन करणी सेनेने घेतला आक्षेप

दरम्यान शाहरुखचा जवान वादाच्या भोवऱ्यात सापडला आहे. करणी सेनेने शाहरुखच्या जवानमधील एका डायलॉगवर आक्षेप घेतला आहे. त्यामुळे शाहरुख अडचणीत सापडला आहे.

"एक राजा था, एक के बाद एक जंग हारता गया, भुखा प्यासा घूम रहा था जंगल में, बहुत गुस्से में था", या संवादावर आक्षेप घेण्यात आला आहे. त्या डायलॉगवरुन करणी सेनेनं आक्षेप घेतला आहे. त्यांनी त्याविरोधात पोलिसांकडे धाव घेतली आहे.

शाहरुखच्या जवानने रेकॉर्डब्रेक अॅडव्हान्स बुकींग

शाहरुखच्या जवानने रेकॉर्डब्रेक अॅडव्हान्स बुकींग केलंय. सॅकनिकच्या एका डेटानुसार, २४ तासात जवाननं केवळ तीन मोठ्या नॅशनल सिनेमा चेन्समधून १ लाख ६५ हजार तिकीटांची अॅडव्हान्समध्ये विक्री केली आहे.

यापूर्वी शाहरुखच्या पठाणला एवढ्या मोठ्या प्रमाणात प्रतिसाद मिळाला होता. या चित्रपटानं प्रदर्शनापूर्वीच १ लाख १७ हजार तिकीटांची अॅडव्हान्स बूकींग केली होती. शाहरुखचा जवान येत्या शुक्रवारी ७ सप्टेंबरला रिलीज होतोय.