Jhimma 2 Box Office: पुन्हा एकदा महिलांनी बाजी मारली, झिम्मा २ चं बॉक्स ऑफीसवर विक्रमी कलेक्शन

झिम्मा २ सिनेमा सध्या चांगलाच चर्चेत आहे. गेल्या महिन्याभरापासुन झिम्मा २ ची सर्वांना उत्सुकता होती. अखेर हा सिनेमा शुक्रवारी २४ नोव्हेंबरला रिलीज झाला.

झिम्मा २ पाहण्यासाठी थिएटरमध्ये हाऊसफुल्ल गर्दी होत आहे. याचाच परिणाम झिम्मा २ च्या बॉक्स ऑफीसवर दिसुन आला. झिम्मा २ ने बॉक्स ऑफीसवर बक्कळ कमाई केलीय. पाहूया कमाईचे आकडे.

(jhimma 2 box office collection day 2)

झिम्मा २ चं विक्रमी बॉक्स ऑफीस कलेक्शन

sacnilk च्या अहवालानुसार झिम्मा २ च्या बॉक्स ऑफीस कलेक्शनच्या आकड्यांकडे नजर मारली तर सिनेमाने पहिल्या दिवशी १.२० कोटीची कमाई केली. तर दुसऱ्या दिवशी सिनेमाच्या कमाईत वाढ झालेली दिसत असुन झिम्मा २ ने २.२५ कोटी कमावले. त्यामुळे झिम्मा २ ने दोन दिवसातच ३ कोटींहून अधिकची कमाई केलीय.

झिम्मा 2 मध्ये तगड्या कलाकारांची फौज

कलर येल्लो प्रॉडक्शन्सच्या सहकार्याने जिओ स्टुडिओज प्रस्तुत, चलचित्र मंडळी निर्मित, ज्योती देशपांडे, आनंद एल राय आणि क्षिती जोग निर्मीत,  हेमंत ढोमे दिग्दर्शित तसेच सुहास जोशी, निर्मिती सावंत, सुचित्रा बांदेकर, क्षिती जोग, सायली संजीव, रिंकू राजगुरू, शिवानी सुर्वे आणि सिद्धार्थ चांदेकर  यांच्या दमदार भुमिका आहेत

झिम्मा 2 सुपरहिट होणार?

महाराष्ट्रातील तमाम रसिक प्रेक्षकांना झिम्मा 2 आवडलेला दिसतोय. कलर येल्लो प्रॉडक्शन्सच्या सहकार्याने जिओ स्टुडिओज प्रस्तुत, चलचित्र मंडळी निर्मित, ज्योती देशपांडे, आनंद एल राय आणि क्षिती जोग निर्मीत हेमंत ढोमे दिग्दर्शित हा सिनेमा प्रेक्षकांच्या हाऊसफुल्ल गर्दीत सुरु आहे. झिम्माचा पहिला भाग कोवीडच्या नंतर रिलीज होऊन सुपरहिट झाला. झिम्मा 2 सुद्धा सुपरडुपरहिट होण्याची शक्यता वर्तवली जात आहे.