व्हिडिओ: 'त्रिभंगा'मध्ये काजोलचा पॉवरफुल लूक, टिझर रिलीज

मुंबई- प्रसिद्ध अभिनेत्री काजोलच्या आगामी 'त्रिभंगा' सिनेमाचा टिझर रिलीज झाला आहे. काजोलने तिच्या सोशल मिडिया अकाऊंटवरुन 'त्रिभंगा'चा टीजर शेअर केला आहे. यामध्ये काजोलचा वेगळाच अंदाज पाहायला मिळतोय. या टिझरमध्ये काजोलचा पॉवरफुल लूक दिसून येतोय आणि तिच्या चाहत्यांना देखील तो पसंत पडतोय. टीझर शेअर करण्यासोबतंच काजोलने सिनेमाच्या प्रदर्शनाची तारीख देखील घोषित केली आहे. 

हे ही वाचा: घरातील साफ-सफाई करताना दिसलं कंगनाचं वॉर्डरोब कलेक्शन, शेकडो चपलांचे जोड पाहिलेत का?  

खास गोष्ट अशी की या सिनेमाचं दिग्दर्शन काजोलचा पती आणि प्रसिद्ध अभिनेता अजय देवगणच्या प्रोडक्शन हाऊसने केलं आहे. या सिनेमाची कथा अभिनेत्री रेणुका शहाणेने लिहिली आहे आणि सिनेमाचं दिग्दर्शन देखील रेणुकाच करत आहे. काजोलसोबतंच या सिनेमात तन्वी आजमी, मिथिला पालकर देखील दिसून येईल. काजोलने घोषित केल्याप्रमाणे १५ जानेवारी रोजी हा सिनेमा नेटफ्लिक्स या ओटीटी प्लॅटफॉर्मवर रिलीज होईल.

हा एक स्त्रीप्रधान सिनेमा आहे. या सिनेमाची खास गोष्ट अशी की सिनेमात एकाच कुटुंबातील तीन महिलांची कथा दाखवण्यात येईल.सिनेमातील तीनही मुख्य पात्रातील महिला ज्यांची स्वतःची काही स्वप्न आहेत आणि वेगळ्या पद्धतीने आयुष्य जगण्याची इच्छी आहे. यांच्यामध्ये मतभेद देखील आहेत. याचभोवती सिनेमाची कथा फिरेल. काजोल सिनेमात मुख्य भूमिकेत दिसणार आहे. काजोल शेवटची 'तानाजी: द अनसंग वॉरिअर' या सिनेमात पती अजय देवगणसोबत दिसली होती. हा सिनेमा त्या वर्षातला सगळ्यात हिट सिनेमा होता. प्रेक्षकांना हा सिनेमा खूप आवडला होता त्यामुळे बॉक्स ऑफीसवर देखील त्याने चांगलीच कमाई केली होती.   

kajol new movie tribhanga teaser released set for 15 january 2021 premiere