Viral Video : श्रीमंतीच्या विधानावरून काजोल ट्रोल; युजर्सने म्हटले अहंकारी अन्...

Kajol Latest News करण जोहरच्या ‘कॉफी विथ करण’ या शोमध्ये सेलिब्रिटींच्या विधानांमुळे अनेकदा वाद निर्माण होतात. नुकतीच काजोलची व्हिडिओ क्लिप व्हायरल झाली आहे. ज्यामध्ये तिने असे काही सांगितले जे लोकांना अजिबात आवडले नाही. काजोलचा (Kajol) हा व्हिडिओ एका कम्युनिटी नेटवर्कवर शेअर करण्यात आला आहे.

अभिनेत्री काजोल ही करण जोहरची (Karan Johar) खूप चांगली मैत्रीण आहे. ती त्याच्या चॅट शोमध्ये अनेकदा आली आहे. कॉफी विथ करणचा ७ वा सीझन सुरू आहे. अशात काजोलचा (Kajol) एक जुना व्हिडिओ चांगलाच व्हायरल झाला आहे. व्हिडिओमध्ये (Viral Video) करण जोहर म्हणतो की, त्याने काजोलला कधीच गावातील मुलीच्या भूमिकेत पाहिले नाही.

‘मी खूप लवकर ठरवले होते की मी श्रीमंत आहे. गरीब दिसत नाही. काहीही केले, काहीही घातले... मी घागरा चोली घातली होती. स्वतःकडे बघितले आणि म्हणाली मी गरीब दिसत नाही’, अशी उत्तर देताना काजोल म्हणाली. तिने घातलेली ओमवाली अंगठी बघितली आणि या अंगठीने किती लोक विकत घेऊ शकते हे माहीत नाही, अशीही काजोल म्हणाली.

शेअर केलेल्या व्हिडिओवर युजर्सने काजोलला ट्रोल केले आहे. एका युजरने लिहिले, ती तिच्या जुन्या चित्रपटांमध्ये गरीब दिसत होती. अजिबात छान दिसत नसताना ती तिचे जुने दिवस विसरली असे अनेकांनी लिहिले आहे. लोकांना अंगठीद्वारे विकत घेणे म्हटल्याने युजर्सनी नाराजी व्यक्त केली आहे. एका युजरने काजोलला अहंकारी म्हटले आहे.