पाणीपुरीच्या गाडीवर काम्या पंजाबी विसरली एक लाख रुपये, लक्षात आलं तेव्हा...

गेल्या काही दिवसांत अनेक सेलिब्रिटींना पाणीपुरी खाताना पाहिलं गेलं आहे. काही दिवस आधी रुबिना दिलैक आपल्या कुटुंबासोबत पाणीपुरी खाताना दिसली होती. 'लाल सिंग चड्ढा'च्या ट्रेलर रिलीजनंतर आमिर खान देखील पाणीपुरीचा आस्वाद घेताना दिसला. काम्या पंजाबीचा(Kamya Punjabi) असाच पाणीपुरी खातानाचा फोटो व्हायरल झालेला दिसून आला आहे. काम्या एका पाणीपुरीच्या गाडीवर पाणीपुरी खात होती आणि तिथे ती चक्क एक लाख(One Lakh) रुपये विसरली.

काम्या पंजाबी सध्या इंदौरमध्ये आहे. तिथे एका पाणीपुरीच्या गाडीवर चक्क एक लाख रुपयांनी भरलेलं वजनदार पाकीट ती विसरली. एका इंग्रजी वेबसाईटशी बोलताना ती म्हणाली आहे,'' मी रविवारी एका कार्यक्रमा निमित्तानं इंदौरला गेली होती. तिथून मी जेव्हा परत येत होती तेव्हा माझ्या मॅनेजरने एका पाणीपुरीच्या दुकानाची खूप प्रशंसा केली. तसंही इंदौर चाटसाठी प्रसिद्ध आहे. मग मी पाणीपुरी खाण्याचा मोह आवरु शकले नाही. मी त्या दुकानावर पाणीपुरी खायला जाण्याचं ठरवलं. माझ्याकडे त्यावेळी एक लाख रुपये कॅश असलेलं एक पाकीटही होतं. मी ते पाकिट तिथल्या माझ्या टेबलवर ठेवलं. आणि पाणीपुरी खाऊ लागली''.

पण त्यावेळी मी पाणीपुरी खाण्यात आणि ती खाताना फोटो काढण्यात एवढी बिझी झाले की तिथून येताना मी ते पैशाचं पाकीट तिथेच विसरली. काम्याच्या म्हणण्याप्रमाणे ती जेव्हा हॉटेलवर पोहोचली तेव्हा तिला आठवलं की आपल्याजवळ पैशाचं पाकीट नाहीय. आणि ती ते पाणीपुरीच्या दुकानावर विसरुन आली. माझ्या मॅनेजरने तडक ते दुकान गाठलं आणि आमचं नशीब की आम्ही हॉटेलवरुन परत तिथे जाईपर्यंत ते पाकिट त्याच टेबलवर पडलेलं होतं. माझ्यासाठी तो सुखद धक्का होता. कारण मी ते पाकिट परत मिळण्याची अपेक्षा सोडली होती. पण देवाची कृपा म्हणावी लागेल. मला वाटत इंदौरचे लूक खरोखर खूप चांगले आहेत''. काम्या पंजाबी सध्या अभिनय क्षेत्रापासून दूर आहे पण अनेकदा कोणत्या ना कोणत्या वादात उडी मारुन ती चर्चेत येताना दिसते.