Kangana Ranaut Emergency: मी घर गहाण टाकून चित्रपट करतेय.. इमर्जन्सी साठी कंगनाचं मोठं विधान

कंगना राणावतचा आगामी 'इमर्जन्सी' सिनेमाची सर्वांना उत्सुकता होती. कंगनाने या सिनेमाचं शूटिंग संपवलं आहे. त्यानिमिताने कंगनाने सोशल मीडियावर भलीमोठी पोस्ट लिहिली आहे. इमर्जन्सी सिनेमाची निर्माती सुद्धा कंगना आहे. या सिनेमासाठी कंगनाने तिची प्रॉपर्टी गहाण ठेवली असा मोठा खुलासा तिने केलाय

(kangana ranaut shared post about his upcoming film emergency and said mortgaging all properties)

कंगनाने सोशल मिडीयावर एक पोस्ट शेयर केली आहे. या पोस्ट मध्ये तिने स्वतःच्या भावना व्यक्त केल्या आहेत. कंगना लिहिते... एक अभिनेत्री म्हणून मी आज इमर्जन्सी सिनेमाचं शूटिंग संपवलं.. यानिमिताने माझ्या आयुष्यातील एक अतिशय गौरवशाली टप्पा पूर्णत्वास येत आहे…असं वाटतंय की मी आरामात प्रवास केलाय परंतु सत्य त्यापासून दूर आहे ...

पुढे कंगनाने या सिनेमासाठी तिने किती तडजोडी केल्यात ते सांगितलं आहे. कंगना म्हणते, "माझ्या मालकीची प्रत्येक गोष्ट गहाण टाकण्यापासून ते पहिल्या शेड्यूल दरम्यान डेंग्यूचे निदान होण्यापासून असंख्य गोष्टी.. अत्यंत कमी रक्तपेशींची संख्या असतानाही सिनेमा करणे.. एक व्यक्ती म्हणून माझी या काळात खुप परीक्षा झाली."

"मी सोशल मीडियावर माझ्या भावनांबद्दल खूप मोकळेपणाने बोलते पण मी या सर्व गोष्टी शेअर केल्या नाहीत, प्रामाणिकपणे कारण.. ज्यांना अनावश्यक काळजी वाटते आणि ज्यांना मला पडताना पहायचे आहे आणि मला त्रास देण्यासाठी सर्व काही करत होते, मला माझ्या दुःखाचा आनंद त्यांना द्यायचा नव्हता.. त्याच बरोबर मला तुम्हा सर्वांसोबत शेअर करायचे आहे की जर तुम्हाला वाटत असेल की तुमच्या स्वप्नांसाठी किंवा तुम्हाला जे हवे आहे त्यासाठी फक्त मेहनत करणे पुरेसे आहे, तर पुन्हा विचार करा कारण ते खरे नाही…

तुम्ही कठोर परिश्रम केले पाहिजेत पण तरीही तुमची परीक्षा तुमच्या मर्यादेच्या पलीकडे जाईल आणि तुम्ही खंडित होऊ नये… जोपर्यंत तुम्ही हे करू शकत नाही तोपर्यंत स्वतःला धरून ठेवा… जर आयुष्य तुम्हाला वाचवत असेल तर तुम्ही भाग्यवान आहात पण जर ते नसेल तर तुमच्यावर आशीर्वाद आहे.. या काळात तुम्ही खचलात तर.. साजरा करा… कारण तुमचा पुनर्जन्म होण्याची वेळ आली आहे... हा माझ्यासाठी पुनर्जन्म आहे आणि मला पूर्वीसारखे जिवंत वाटत आहे... माझ्यासाठी हे घडवून आणल्याबद्दल माझ्या प्रचंड प्रतिभावान टीमचे आभार…"

कंगना शेवटी म्हणाली, "ज्यांना माझी काळजी आहे त्या सर्वांनी कृपया जाणून घ्या की मी आता सुरक्षित ठिकाणी आहे … मी नसते तर हे सर्व शेअर केले नसते … कृपया काळजी करू नका, मला फक्त तुमचे आशीर्वाद आणि प्रेम हवे आहे" अशी पोस्ट लिहून कंगनाने मोकळेपणाने तिच्या भावना शेयर केल्या आहेत. १४ जुलै २०२३ ला हा सिनेमा रिलीज होतोय