Tejas Trailer: "अब जंग होगी"! वायुसेना दिनानिमित्त कंगनाच्या 'तेजस' चित्रपटाचा अ‍ॅक्शन अन् थ्रिलर ट्रेलर रिलिज!

Kangana Ranaut film Tejas Trailer: बॉलीवूडची क्वीन कंगना राणौत सध्या तिच्या आगामी सिनेमा 'तेजस'मुळे चर्चेत आहे. काही दिवसांपुर्वी या चित्रपटाचा टिझर प्रेक्षकांच्या भेटीला आला होता. या टिझरमध्ये कंगनाच्या अॅक्शन आणि साहसाने सर्वांनाच आकर्षित केले होते. मात्र टिझर पाहिल्यानंतर प्रेक्षकांना प्रतिक्षा होती ती कंगनाच्या तेजस सिनेमाच्या ट्रेलरची.

आज 8 ऑक्टोबर रोजी वायुसेना दिनानिमित्त कंगनाने तिच्या बहुप्रतिक्षित तेजस सिनेमाचा टिझर रिलिज केला आहे.

या ट्रेलरमध्ये कंगना एका शुर आणि शक्तिशाली वायुसेनेची पायलट तेजस गिलची भुमिका साकारत आहे. या चित्रपटातील "भारत को छेडोगे तो छोड़ेंगे नहीं" अशाप्रकारचे अप्रतिम संवाद सर्वांना आकर्षित करतात.

जबरदस्त साउंडट्रॅक आणि व्हिज्युअल इफेक्ट्ससह हा धमाकेदार ट्रेलर रिलिज झाला आहे. हा एक विजुअल स्पेक्टिकल चित्रपट ठरणार आहे.

चित्रपटातील जबरदस्त संवाद देशभक्तीची भावना जागृत करतो. वीर वायुसेनेच्या पायलटच्या कंगना मोठ्या पडद्यावर तिच्या अभिनयाने प्रेक्षकांची मने जिंकत आहे.

तेजस चित्रपटाबद्दल बोलायचं झालं तर भारतातील पहिला एरियल अॅक्शन चित्रपट असणार आहे असं बोललं जात आहे. एका भारतीय गुप्तहेरला दहशतवाद्यांनी पकडल्याचे ट्रेलरमध्ये दाखवण्यात आले आहे. आपल्या माणसाला परत आण्यासाठी कंगना पुढाकार घेते. त्यानंतर कंगना अनेक अडथळ्यांचा सामना करताना दिसते.

RSVP निर्मित तेजसमध्ये कंगना राणौत मुख्य भूमिकेत आहे. तेजस हा सर्वेश मेवाडा लिखित आणि दिग्दर्शित आणि रॉनी स्क्रूवाला निर्मित आहे. तेजस हा चित्रपट 27 ऑक्टोबर 2023 रोजी थिएटरमध्ये प्रदर्शित होणार आहे.