करण जोहरचा पन्नासावा वाढदिवस, 'हे' आहेत त्याचे धक्कादायक महागडे शौक...

Karan johar birthday : कुछ कुछ होता है, कभी खुशी कभी गम, कभी अलविदा ना कहना जे चित्रपट प्रदर्शित होऊन आज बरिच वर्षे झाली. पण अजूनही या चित्रपटांची किमया कमी झालेली नाही. या चित्रपटांनी बॉक्स ऑफिसवर गल्ला केलाच शिवाय आजही जे चित्रपट टेलिव्हिजनवर आवर्जून पाहिले जातात. कारण ही जादू आहे करण जोहरच्या (karan johar) दिग्दर्शनाची. प्रेम, वात्सल्य आणि रोमान्स याचा पुरेपूर वापर करून त्याने तयार केलेले रंजक सिनेमे प्रेक्षकांना आजही भुरळ घालतात. त्याच करणचा आज पन्नासावा वाढदिवस.. आज कोट्यधीश असलेल्या या दिग्दर्शकाला काही अत्यंत महागडे शौक आहेत. (karan johar birthday) (karan johar expensive hobbies)

मालिका विश्वातून आपल्या करियरची सुरवात करणाऱ्या करणने पुढे 'दिल वाले दुल्हनिया ले जायेंगे' (DDLJ) या चित्रपटाचे सहाय्यक दिग्दर्शन केले. पुढे त्याने 'कुछ कुछ होता है' (KUCH KUCH HOTA HAI) सारखा हिट सिनेमा त्याने दिला आणि त्याच्या करियरची दिशाच बदलून गेली. पुढे करणने 'कभी खुशी कभी गम', 'कभी अलविदा न कहना, 'माय नेम इज खान, 'स्टुडंट ऑफ द इअर, 'बॉम्बे टॉकिज', 'ए दिल है मुश्किल', 'लस्ट स्टोरीज' सारख्या अनेक गाजलेल्या सिनेमांचं दिग्दर्शन आणि निर्मिती केली. लवकरच त्याचा 'जुग जुग जिओ' हा चित्रपट रिलीज होणार आहे. त्याच्या कामाने त्याने बॉलीवुडमध्ये भक्कम पाय रोवले आहेत.

याच क्षेत्रातून आज करणने कोट्यवधी रुपये कमावले. मुंबई सारख्या ठिकाणी अलिशान बंगला, सर्व सुखसुविधा, गाड्या सर्व काही करणकडे आहे. असं म्हंटलं जातं ही करणकडे २००० कोटींहून अधिकची संपत्ती आहे. त्यामुळे तो काही महागडे शौकही आवर्जून करतो. करणला महागड्या गाड्यांचा शौक आहे. त्याच्याकडे असलेल्या गाड्यांच्या ताफ्यामध्ये जॅग्वार, मर्सिडिज, एस ५६०, बीएमडब्ल्यू यांसारख्या गाड्या आहेत. करणला केवळ गाड्यांचा नाही तर विविध प्रकारच्या बुटांचाही शौक आहे. जगातील बहुतांशी महागड्या ब्रॅंडचे बूट त्याच्या रोजच्या वापरत आहेत. यामध्ये Louis, Vuitton, Stella, Mccartney, Donatella, Versace असे दर्जेदार आंतरराष्ट्रीय ब्रँडचे बूट करण वापरतो. युनिक आणि महागड्या गोष्टी स्वतःकडे बाळगण्याच्या या सवयीमुळेच करणची प्रत्येक गोष्ट लोकांच्या नजारा रोखून ठेवणारी असते.