kareena kapoor: टॉक्सिक मध्ये झळकणार बेबो! केजीएफच्या यश सोबत दिसणार बॉलीवूडची करिना?

Kareena to join Yash's Toxic: सध्या साऊथ सिनेमांची चांगलीच हवा आहे. टॉलिवूड सिनेमे सुपर हिट होत असून आता हळू हळू बॉलिवूड स्टारही साऊथची वाट धरत आहेत. किंग खान म्हणजेच शाहरुख खानने देखील आता साऊथचा दिग्दर्शक अॅटलीसोबत जवानमध्ये काम केले. तर आता अभिनेत्री करिना कपुरही दक्षिणेकडे वळणार आहे.

आता करीना कपूर खानही तिच्या साऊथ डेब्यूसाठी सज्ज झाल्याच्या बातम्या समोर आल्या आहे. मिडिया रिपोर्टमध्ये असा दावा करण्यात येत आहे. तर आता करिना 'KGF' आणि 'KGF Chapter 2' सारखे सुपरहिट सिनेमे देणारा कन्नड सुपरस्टार यशसोबत काम करणार आहे.

कन्नड सुपरस्टार यशसोबत करीना कपूर काम करणार असल्याच्या चर्चांमुळे दोघांचे चाहते उत्सुक आहेत. साऊथचा सुपरस्टार यश सध्या त्याच्या आगामी चित्रपटांच्या शूटिंगमध्ये व्यस्त आहे. तो आता टॉक्सिक या चित्रपटात दिसणार आहे.

आता यशाच्या 'टॉक्सिक'मध्ये करिना मुख्य भूमिकेसाठी दिसणार आहेत. तर निर्मातेही करिनासोबत काम करण्यास उत्सुक आहेत. इंडिया टुडेनुसार, यश आणि चित्रपटाचे निर्माते 'टॉक्सिक' साठी अशा अभिनेत्रीच्या शोधात होते जी केवळ प्रोजेक्टचा भाग होणार नाही तर प्रेक्षकांना आकर्षित करेल. त्यामुळे यासाठी करिना कपुरच्या नावाची चर्चा आहे. करिनाने 'टॉक्सिक' सिनेमास होकार दिल्यास हा तिचा पहिला साऊथ सिनेमा असेल.

गीतू मोहनदास दिग्दर्शित हा चित्रपट 10 एप्रिल 2025 रोजी थिएटरमध्ये प्रदर्शित होणार आहे. तर करीना रोहित शेट्टी दिग्दर्शित 'सिंघम अगेन', 'द बकिंगहॅम मर्डर्स' आणि 'द क्रू' या चित्रपटांमध्ये दिसणार आहे.