Aishwarya Sharma: खतरों के खिलाडीच्या सुरुवातीलाच गालबोट...! स्टंट करताना अभिनेत्रीला दुखापत...

Aishwarya Sharma Gets Injured: 'गुम है किसी के प्यार में' या मालिकेतुन पाखीच्या भुमिकेतुन घराघरात पोहचली. मात्र तिनं नुकताच हा शो सोडत रिअॅलिटी शो चा पर्याय निवडला आहे.

सध्या ती रोहित शेट्टीच्या 'खतरों के खिलाडी 13' या शोमध्ये दिसत आहे. ऐश्वर्या शर्मा ' खतरों के खिलाडी 13'च्या शूटिंगसाठी दक्षिण आफ्रिकेत आहे. मात्र या शोदरम्यान ऐश्वर्या शर्माला गंभीर दुखापत झाली आहे.

काही दिवसांच्या खेळानंतर, रोहित शेट्टी काही दिवसांत लोकेशनवर पोहोचल्याने आता खरा गेम सुरु झाला असल्याचं दिसत आहे.

शोमध्ये ऐश्वर्या तिच्या को-स्टारसोबत खूप मजा मस्ती करतांना दिसत होती. मात्र आता दुर्दैवाने तिला स्टंट करताना हाताला दुखापत झाली आहे. अभिनेत्रीने एक इंस्टाग्राम स्टोरी पोस्ट केली गेम दरम्यान दुखापत झालेला हात दाखवला.

स्टंट करताना ऐश्वर्या शर्माला गंभीर दुखापत झाल्याचे दिसत आहे. तिचा हात निळा झाला आहे. सध्या हे फोटो इंस्टाग्रामवर व्हायरल होत आहेत.

ऐश्वर्या शर्माचा हा फोटो पाहून चाहत्यांनी हळहळ व्यक्त केली आहे. त्याचबरोबर तिने लवकरात लवकर बरं व्हावं अशी प्रार्थनाही ते करत आहेत.

त्याचबरोबर तिचं कौतुकही केलं आहे आणि तिला आणखी मजबुत बनत हा खेळ तिनं जिकांवा यासाठी तिला शुभेच्छा दिल्या आहेत. .

ऐश्वर्या व्यतिरिक्त, KKK च्या 13 व्या सीझनमध्ये डेझी शाह, शीझान खान, अर्चना गौतम, रोहित बोस रॉय, अंजली आनंद, साउंडस मुफाकीर, शिव ठाकरे, न्यारा एम बॅनर्जी, अंजुम फकीह, रुही चतुर्वेदी आणि अरिजित तत्‍वेरी यांचा समावेश आहे.

आता हा शो टिव्हीवर कधी रिलिज होणार याची तारीख अधिकृतपणे घोषित केलेली नसली तरी, अनेक अहवाल दावा करण्यात येत आहे की खतरों के खिलाडी 17 जुलै रोजी रात्री 9:30 वाजता कलर्सवर प्रसारित होईल.