काल फादर्स डे होता, पण.. गायक केकेच्या आठवणीत मुलीची भावनिक पोस्ट

KK Daughter Taamara : काल १९ जून रोजी जगभरात फादर्स डे साजरा करण्यात आला. मनोरंजन विश्वातील अनेक तारे तारकांनी आपल्या वडिलांविषयी भावना व्यक्त केल्या. पण या सगळ्यात एक अत्यंत भावनिक पोस्ट पाहायला मिळाली. जी पाहून आपल्या सगळ्यांच्या डोळ्यात चटकन पाणी येईल. ही पोस्ट आहेत गायक केके यांच्या मुलीची. गायक केके यांचे नुकतेच निधन झाले. फादर्स डे ला ही पोकळी त्यांच्या मुलीला तमाराला प्रकर्षाने जाणवली. तिने काही जुने फोटो पोस्ट करत आपल्या वडिलांविषयी लिहिले आहे. (KK's daughter Taamara pens heartbreaking Father's Day post, says 'life is dark without you dad')

प्रसिद्ध गायक केके (KK) यांचे 31 मे रोजी निधन झाले. वयाच्या 53 व्या वर्षी त्यांनी अखेरचा श्वास घेतला. केके बॉलिवूडमधील एक सुप्रसिद्ध गायक होते. त्यांनी हिंदीमध्ये 200 हून अधिक गाणी गायली. Voice of Love अशी त्यांची ओळख होती. पत्नी ज्योती लक्ष्मी कृष्णा आणि दोन मुलं असं केके यांचे कुटुंब आहे. यंदा फादर्स डे ला ते कुटुंबासोबत नाही. त्यांच्या आठवणीत मुलगी तमारानं एक भावनिक पोस्ट शेअर केली आहे.

तमारा म्हणते, 'तुमच्या जाण्याचं दु:ख मी मोठं आहे. तुमच्याशिवाय जगणं तर त्याहून कठीण आहे. तुम्ही जगातील सर्वात क्युट आणि प्रेमळ वडील होता. तुम्ही नेहमी कॉन्सर्टवरुन घरी आल्यानंतर आम्हाला जवळ घेऊन बसायचा. बाबा, मला तुमची खूप आठवण येते. तुमच्यासोबत जेवण करणं, तुमच्यासोबत हसणं, तुमचा हात पकडणं या सर्व गोष्टी आज आठवतात. या जगातील सर्वात बेस्ट वडिलांना फादर्स-डेच्या शुभेच्छा. मला माहित आहे तुम्ही आमच्यासोबत आहात.' असं तमाराने लिहिलं आहे.