KRK: 'मी आज कोर्टाला विनंती करणार आहे की..', 'किसी का भाई किसी जान' सिनेमा वरनं केआरके पुन्हा भिडला सलमानला

KRK Tweet: बॉलीवूड अभिनेता सलमान त्याचा आगामी 'किसी का भाई किसी की जान' सिनेमामुळे चर्चेत आहे, सिनेमा रिलीजच्या जवळ आहे आणि अशामध्ये सलमान सोबत सिनेमातील इतरही स्टारकास्ट जोरदार सिनेमाचं प्रमोशन करताना दिसत आहेत.

यादरम्यान स्वघोषित समिक्षक केआरकेनं सांगितलं आहे की मुंबई हायकोर्टात तो आहे आणि परवानगी घेऊन तो सिनेमाचा रिव्हयू करणार आहे.(KRK seeks permission to mumbai high court permission to review salman khan movie kisi ka bhai kisi ki jaan)

केआरकेनं एक ट्वीट करत लिहिलं आहे ज्याचं कनेक्शन 'किसी का भाई,किसी की जान' सिनेमाशी आहे. केआरके म्हणाला,''आज मी केआरके वर्सेस सलमान खान केस साठी मुंबई हायकोर्टात असेन. मी कोर्टाकडून सलमान खानचा आगामी सिनेमा 'किसी का भाई किसी की जान' चा रिव्ह्यू करण्याची परवानगी मागण्याचा प्रयत्न करेन''. केआरके च्या या ट्वीटवर आता सोशल मीडिया युजर्स रिअॅक्ट होताना दिसत आहेत.

केआरके हा स्वयंघोषित समिक्षक आहे हे वेगळे सांगायला नकोच. तो आपल्या युट्युब चॅनेलवर सिनेमांचे रिव्ह्यू करून टाकतो. अशामध्ये त्यानं सलमानच्या 'राधे-युअर मोस्ट वॉन्टेड भाई' विषयी खूपच वाईट आणि नकारात्मक रिव्ह्यू दिला होता.

त्यानंतर केआरके म्हणाला होता की सलमानकडून त्याच्यावर मानहानीची केस दाखल करण्यात आली होती. सलमानच्या वकीलांनी मात्र तेव्हा म्हटलं होतं की ही केस रिव्ह्यू संदर्भात नाही तर मनी लॉन्ड्रिंग आणि भ्रष्टाचाराच्या आरोपां अंतर्गत करण्यात आली आहे.

केआरकेनं यानंतर सोशल मीडियावर खूप सारे ट्वीट्स केले होते आणि त्यानंतर त्यानं निर्णयही केला होता की तो सलमानच्या कोणत्याच सिनेमाचा रिव्ह्यू करणार नाही. अर्थात यानंतर केआरकेनं सलमान खानवर ट्वीट्स केलेच,तो काही बोलल्या शब्दाला जागताना दिसला नाही. तर आता केआरकेनं कोर्टाची मदत घ्यायचं ठरवलं आहे जेणेकरून तो सलमानच्या 'किसी का भाई किसी की जान' सिनेमाचा रिव्ह्यू करेल.