Kisi Ka Bhai Kisi Ki Jaan: रामचरणनं भाईजानकडून घेतली भरघोस रक्कम, एक झलक दाखवायला आकारले चक्क इतके करोड..

Kisi Ka Bhai Kisi Ki Jaan: सलमान खानचा आगामी सिनेमा 'किसी का भाई,किसी की जान' चा ट्रेलर रिलीज झाला आहे. या सिनेमाची गेल्या अनेक दिवसांपासून चर्चा सुरू आहे. सिनेमात व्यंकटेश दग्गुबाती,पुजा हेगडे,जगपति बाबू,भूमिका चावला,विजेंदर सिंग असे बडे स्टार्स आहेत. ट्रेलर रिलीजनंतर आता कलाकारांच्या मानधनाची चर्चा रंगलीय,तेव्हा चला जाणून घेऊया सिनेमातील स्टार्सच्या मानधनाविषयी.

सलमान खानचा 'किसी का भाई किसी की जान' सिनेमा २१ एप्रिल २०२३ रोजी ईदला रिलीज होत आहे. सिनेमात तो एका वेगळ्याच लूकमध्ये दिसत आहे. लांबसडक केसात भाईजान खूपच हॅंडसम दिसत आहे.

मीडिया रिपोर्ट्सनुसार अभिनेत्यानं या सिनेमासाठी ५० करोड रुपये घेतल्याचं बोललं जात आहे. (Salman Khan Kisi ka bhai kisi ki jaan starcast fees )

साऊथ सुपरस्टार व्यंकटेश दग्गुबाती देखील सलमानसोबत या सिनेमात दिसणार आहे. दोघांना एकत्रित पडद्यावर पहायला चाहते उत्सुक आहेत. मीडिया रिपोर्ट्सनुसार कळत आहे की, व्यंकटेश सलमानच्या भावाच्या भूमिकेत दिसणार आहेत. व्यंकटेशन 'किसी का भाई किसी की जान' सिनेमासाठी ८ करोड चार्ज केले होते.

'किसी का भाई किसी की जान' सिनेमात सलमान खानसोबत पूजा हेगडे लीड अभिनेत्री आहे. रिपोर्ट्सनुसार कळत आहे की,तिनं ५ करोड घेतले आहेत.

तर साऊथ सुपरस्टार रामचरण हा कॅमियो साकारताना दिसणार असला तरी त्यानं त्या एका झलकसाठी तब्बल ३ करोड घेतले आहेत. तर शहनाज गिलला ५५ लाख आणि जस्सी गिलला ७० लाख रुपये मानधन देण्यात आलं आहे.

सलमान खान प्रॉडक्शनच्या 'किसी का भाई किसी की जान' सिनेमाचं दिग्दर्शन फरहाद सामजीनं केलं आहे. सिनेमात सलमान खान,व्यंकटेश दग्गुबाती,पूजा हेगडे,जगपति बाबू,भूमिका चावला,विजेंदर सिंग,अभिमन्यु सिंग,राघव जुयाल,सिद्धार्थ निगम,जस्सी गिल,शहनाज गिल,पलक तिवारी आणि विनाली भटनागर आहेत.

हा सिनेमा २१ एप्रिल २०२३ रोजी ईदला रिलीज होणार आहे.