असा घेतला कुमार सानुनं अनु मलिकचा बदला...

शाहरुख खानच्या 'बाजीगर' या चित्रपटाने 1990मध्ये धुमाकूळ घातला होता. आजही या चित्रपटाची गाणी तितक्याच आवडीने ऐकली जातात. या हीट गाण्यांमुळे गायक कुमार सानु आणि अनु मलिक त्यावेळी चर्चेत आले होते. 'चुराके दिल मेरा', 'तुझे देखा तो' या गाण्यांनी प्रेक्षकांना भुरळ घातली होती. या गाण्यांचे गायक कुमार सानु यांनी नुकतेच त्यांचे अपूर्ण राहिलेले स्वप्न पूर्ण केले.

सध्या झी टीव्हीवर सुरू असणाऱ्या 'सा रे ग म प' या रिअ‍ॅलिटी शो मध्ये त्यांनी प्रमुख पाहुणे म्हणून भेट दिली होती. शो मध्ये कंटेस्टंट युमना अझीन हिने 'काली काली आखे' हे सुपरहीट गाणं गायले. सानु यांनी ही स्टेजवर जाऊन तिच्या सोबत गायला लागले. बाजीगरमध्ये अनु मलिक यांच्या ज्या ओळी होत्या त्याच सानुंनी यावेळी गायल्या.

या गाण्याच्या रेकॅार्डिंग वेऴीचे किस्से त्यांनी शो मध्ये सांगितले. ते म्हणाले, की माझी इच्छा असून देखील मला अनु मलिकने 'काली काली आखे' या गाण्यातला रॅप पार्ट गायला दिला नाही. तेव्हापासून मला तो पार्ट गाण्याची मनापासून इच्छा होती. बाजीगर चित्रपटानंतर मला त्यांचा बदला घ्यायचा होता. त्या वेळीचं ते अपूर्ण राहिलेलं स्वप्न या 'सा रे ग म प'च्या मंचावर पूर्ण झाला.

'सा रे ग म प'च्या या 18 व्या पर्वाचे परीक्षक विशाल ददलानी, शंकर महादेवन व हिमेश रेशमिया असून, या शो चा होस्ट आदित्य नारायण आहे.