गायक लकी अली यांनी चाहत्यांना दिलं सरप्राईज, गोव्यामधील व्हिडिओ होतोय व्हायरल

मुंबई- लकी अली भारतीय संगीतातील तो आवाज आहे ज्यासाठी कोणत्याही वयातील माणुस वेडा होईल. लकी अली यांची गाणी नेहमीच मनाला भिडतात. गेल्या कित्येक काळापासून ते पडद्यापासून लांब आहेत. त्यांचे चाहते त्यांना खूप मिस करत आहेत. मात्र काही दिवसांपूर्वीच लकी अली यांचा एक व्हिडिओ समोर आला ज्यामुळे त्यांचे चाहते खूपंच भावूक झाले. आता पुन्हा एकदा लकी यांचा एक व्हिडिओ समोर आला आहे जो पाहून त्यांचे चाहते आनंदाने नाचायला लागतील.  

हे ही वाचा: एअरपोर्टवर जुही चावलाची हरवली 'ही' महागडी वस्तु, शोधून देणा-याला मिळणार बक्षीस

लकी अली ९०च्या दशकातील ते नाव आहे ज्यांची गाणी आजही अनेकांच्या ओठावर आहेत. काही दिवसांपूर्वीच लकी अली यांचा एक व्हिडिओ सोशल मिडियावर व्हायरल झाला होता. या ब्लॅक एँड व्हाईट व्हिडिओमध्ये लकी अली गिटार हातात घेऊन चेह-यावर हास्य ठेवत ओ सनम गाणं गात होते. आता पुन्हा एकदा त्यांचा एक व्हिडिओ व्हायरल होतोय. बॉलीवूड अभिनेत्री नफीसा अलीने नुकतंच त्यांच्या इंस्टाग्राम अकाऊंटवर लकी अली यांचा व्हिडिओ पोस्ट केला आहे.

या व्हिडिओमध्ये लकी अली ओ सनम हे गाणं गात आहेत. हा व्हिडिओ गोव्यामधील आहे जिथे लकी अली लोकांच्या गर्दीत बसून हे गाणं गात आहेत. व्हिडिओतून लकी आली यांचा दर्दभरा आवाज कळून येत आहे. गिटारसोबत लकी अली यांना गाताना पाहून ९०च्या दशकातील तेच चित्र समोर येतं जेव्हा ते स्टेजवर लाईव्ह प्रेक्षकांसमोर गाणं गायचे. या व्हायरल व्हिडिओची खास गोष्ट म्हणजे ते गाण्यातील एक लाईन मर भी गए तो गाऊन थोडावेळ थांबतात तेव्हा तिथे उपस्थित असलेले चाहते पुढच्या ओळी गात गाणं पूर्ण करतात.

लकी अली प्रसिद्ध अभिनेते महमूद यांचा मुलगा आहे. संगीताच्या खास शैलीमध्ये आणि त्यांचा जबरदस्त आवाजाने त्यांनी आत्तापर्यंत अनेक गाण्यांना आवाज दिला आहे. मात्र ते नेहमीच लाईमलाईट पासून लांब राहिले. असं असलं तरी त्यांचे चाहते त्यांना विसरलेले नाहीत.    

lucky ali singing o sanam in goa video goes viral on internet