Tuesday Fitness: माधुरी अजुनही एवढी सुंदर कशी? काय आहे फिटनेसचं सिक्रेट?

Madhuri Dixit News: मनोरंजन क्षेत्रामध्ये गेल्या तीन दशकांहून अधिक काळ ज्या अभिनेत्रीनं आपल्या नावाची वेगळी ओळख निर्माण केली आहे त्या माधुरीच्या सौंदर्याची अजुनही चर्चा होत असते. वयाची ५० केव्हाच ओलांडलेल्या माधुरीचा जलवा अद्यापही चाहत्यांचे लक्ष वेधून घेत असतो. सोशल मीडियावर देखील माधुरीच्या फिटनेसची चर्चा होत असते. आता माधुरी ५५ वर्षांची आहे.

माधुरीच्या ब्युटीवर चाहते फिदा आहेत. तिचं हसणं, तिच्या चेहऱ्यावरील हावभाव आणि माधुरीचं बोलणं याचे चाहत्यांना नेहमीच अप्रुप असते. चाहते नेहमीच माधुरीला तिच्या फिटनेसविषयी विचारणा करत असतात. यासगळयात माधुरीनं तिच्या फिटनेसविषयी काही खास टीप्स दिल्या आहेत. ज्या आपण जाणून घेणार आहोत. माधुरी गेल्या काही वर्षांपासून टीव्ही मनोरंजन विश्वात अॅक्टिव्ह झाल्याचे दिसून आले आहे. डान्स इंडिया डान्स, झलक दिखलाजा रे सारख्या कार्यक्रमांममधून ती चाहत्यांच्या भेटीला आली आहे.

सोशल मीडियावर माधुरीनं तिचं फिटनेस सिक्रेट शेयर केलं आहे. त्यामध्ये ती म्हणते डान्स हेच माझं फिटनेस सिक्रेट आहे. त्याच्याशिवाय मी राहू शकत नाही. डान्स ही अशी गोष्ट आहे ज्यामध्ये तुमच्या शरीराला योग्य त्या प्रमाणात व्यायाम मिळतो. त्याची हालचाल होते. म्हणून नृत्याचे महत्व अनन्यसाधारण आहे. मी गेल्या तीस वर्षांहून अधिक काळ डान्स करते आहे. नव्या लोकांकडून शिकते आहे. डान्स हा माझ्या श्वासाचा एक भाग झाला आहे.

मी आठवड्यातून चार ते पाच दिवस कथ्थक करते. मॉर्निंग वॉकवरही माझा भर असतो. याशिवाय घरातच योगा करुन मी स्वताला फिट ठेवते. आहारातील योग्य बदलही माझ्यासाठी खूपच महत्वाचा आहे. माझे पती डॉक्टर श्रीराम नेने यांच्याकडूनही मला आरोग्याविषयीच्या अनेक महत्वाच्या गोष्टी शिकायला मिळतात. असे माधुरीनं एका मुलाखतीतून सांगितले होते.