Break Point Trailer : 'संवादाची जागा घेतली वादानं'

मुंबई - टेनिसविश्वात आपल्या खेळानं भारताचं नाव साता समुद्रापार नेणाऱ्या खेळांडूमध्ये पेस भुपतीचा समावेश आहे. त्यांच्यानंतर भारतात टेनिस खेळाची झालेली अवस्था आपण पाहतो आहे. महेश भुपती आणि लिअँडर पेसनं ज्या पद्धतीनं या खेळाला नव्या उंचीवर नेलं त्यातून अनेक तरुणांनी प्रेरणा घेतली होती. या दोन्ही खेळांडूंना त्यांनी आदर्श मानलं होते. मात्र पेस आणि भूपतीमधील संवाद काही काळानं कमी झाला. आणि त्याची जागा वादानं घेतल्याचे दिसून आले. त्याचा परिणाम त्यांच्या खेळावर झाला. शेवटी तो वाद विकोपाला गेला. झी 5 नं आता या दोन्ही पराक्रमी खेळाडूंची गोष्ट प्रेक्षकांसमोर आणण्याचा निर्णय घेतला आहे. त्या मालिकेचं नाव ब्रेक पॉईँट आहे. भारतातील सर्वात मोठे कौटुंबिक व्हिडीओ स्ट्रीमिंग प्लॅटफॉर्म झी5 प्रेक्षकांसाठी ली-हेश यांची चित्तवेधक आणि आतापर्यंत न सांगितली गेलेली गोष्ट 'ब्रेक पॉइंट' सादर करण्यासाठी तयार झाले आहेत.

या मालिकेविषयी सांगायचं झाल्यास, सात भागांची ही मालिका केवळ त्यांच्या टेनिस मॅचेस च्या इतिहासावरच नाही तर ऑन आणि ऑफ कोर्ट दोघांच्या नात्यावर भाष्य करणारी आहे. ज्यात टेनिस कोर्टवरील त्यांच्या सर्वोत्तम खेळासोबतच, या जादुई जोडीला त्यांच्या ऑफ-कोर्ट जीवन आणि त्यांचे सार्वजनिकरित्या वेगळे होणे हे देखील तेवढेच चर्चेत राहिले ज्यानं अवघा देश हळहळला. हे सगळे पुन्हा एकदा झी5 च्या ओरिजिनल सीरीज 'ब्रेक पॉइंट' मध्ये प्रसिद्ध चित्रपट निर्माता अश्विनी अय्यर तिवारी आणि दंगल, छिछोरे, बरेली की बर्फी आणि पंगाचे नितेश तिवारी यांनी प्रेक्षकांसमोर आणलं आहे. एका बाजूला याच्या पोस्टर्सनी प्रचंड उत्सुकता निर्माण केली असताना, बहुप्रतिक्षित मालिकेचा ट्रेलर अखेर रिलीज झाला असून प्रत्येकाच्या अपेक्षा वाढल्या आहेत. टेनिस आयकॉन त्याच्या विभाजनाबद्दल स्पष्ट आणि प्रामाणिक असल्याची ही पहिलीच वेळ आहे आणि कथेमध्ये आपली बाजू मांडून अटकळांना पूर्णविराम देत आहेत.

त्या ट्रेलरमध्ये टेनिस आयकॉन सानिया मिर्झा, बॉब ब्रायन, माइक ब्रायन आणि ली-हॅशची आयकॉनिक भागीदारी यासह कुटुंब आणि मित्रांचा समावेश आहे, ज्याने 1990 च्या दशकाच्या उत्तरार्धात भारतीय टेनिसला जगाच्या नकाशावर आणले. त्याविषयी लिएंडर पेस म्हणतो की, "स्वतःला स्क्रीनवर पाहणे हा एक अनोखा अनुभव आहे. पण मला असे वाटते की बरेच काही सांगितले आणि अंदाज केले गेले आहेत आणि याला सरळपणे भिडणे, याला शांत करण्याचा यापेक्षा चांगला मार्ग असू शकत नाही. यासाठीच, पहिल्यांदाच आम्हाला आमची कथा सांगण्याची संधी मिळते आहे आणि आशा आहे की प्रेक्षक आमच्या कोर्टातील भागीदारीची प्रशंसा करतील. भूपतीनं सांगितलं की, प्रत्येक भागीदारी गोंधळ आणि उतार-चढावातून जाते आणि आमची देखील तशीच राहिली आहे. आमच्या ऑन-कोर्ट भागीदारीबद्दल जगाला माहिती आहे, या निमित्ताने त्यांना प्रथमच आमच्या ऑफ-कोर्ट जीवनाबद्दल आणि नातेसंबंधांबद्दल कळणार आहे.