संकटात सापडलेल्या सर्वसामान्यांच्या मदतीसाठी मनीष पाॅलचा ही पुढाकार

मुंबई : कोरोनामुळे संकटात सापडलेल्या अनेक गोरगरीबांना मदतीचा हात सेलिब्रेटी देत आहेत. कित्येक कलाकारांनीआपापल्या परीने मदत केली आहे. अभिनेता सोनू सूद गरीब मजदूरांचा मसिहा बनला आहे. अनेक मजुरांना त्याने त्यांच्या गावी पाठविले आणि मजुरांनी त्याला धन्यवाद दिले आहेत. अभिनेता मनीष पाॅलदेखील वारंवार मदतीचा हात देत आहे. यापूर्वी त्याने पंतप्रधान सहायता निधीला वीस लाख रुपयांची मदत केली आहे. तसेच ४० मजुरांना पैसे वगैरे देऊन त्याने त्यांच्या घरी पाठविले आहे. आता त्याने दिल्ली तसेच मुंबई येथील पाचशे मजुरांना फूटवेअरचे वाटप केले आहे. त्यांनी मनीष पाॅलला धन्यवाद दिले आहेत.

देशात कोरोनाचा भडका! जर्मनी, इटलीलाही टाकले मागे; जागतिक क्रमवारीत भारत जाणार या स्थानावर

हिंदी तसेच टीव्हीवरील काही मालिकांमध्ये मनीष पाॅलने काम केले आहे. सूत्रसंचालक म्हणून टीव्हीवर त्याला चांगलीच लोकप्रियता मिळालेली आहे. सध्या कोरोनामुळे भीषण परिस्थिती निर्माण झाली आहे. विशेष म्हणजे मजुरांचे हाल खूप होत आहेत. अशा मजुरांसाठी मनीष पाॅल मदत करीत आहे. त्याने त्याच्या कार्यालयातील कर्मचारी तसेच अन्य मंडळींना त्यांच्या पगाराची आगाऊ रक्कम दिली आहे. लाॅकडाऊनमुळे आपले कर्मचारी आणि अन्य मंडळींना कोणताही त्रास होऊ नये याची काळजी त्याने घेतली आहे. तसेच मनीष पाॅलने व्हाॅट इफ नावाची एक शाॅर्टफिल्म यू ट्यूबवर प्रदर्शित केली आहे. लाॅकडाऊनवर गंभीर भाष्य करणारी आणि चांगला मॅसेज देणारी ही शाॅर्टफिल्म आहे. या शाॅर्टफिल्ममधून येणारे उत्पन्न तो कोरोनाशी लढणाऱ्या लोकांना मदत म्हणून देणार आहे.