Nivedita Saraf यांच्या ६० व्या वाढदिवसाचं दणक्यात सेलिब्रेशन, अशोक सराफ झाले रोमँटिक

Nivedita Saraf Birthday Celebration News: ज्येष्ठ अभिनेत्री निवेदिता सराफ यांचा ६० वा वाढदिवस नुकताच झाला.

त्यानिमित्ताने निवेदिता यांच्या वाढदिवसाचं दणक्यात सेलिब्रेशन झालं. निवेदिता यांच्या वाढदिवसाला अशोक सराफ रोमँटिक मूड मध्ये दिसले.

निवेदिता आणि अशोक सराफ यांनी खास लाल रंगाची थीम घातली होती. निवेदिता यांनी लाल रंगाचा गाऊन आणि अशोक सराफ यांनी लाल रंगाचा टी शर्ट परिधान केला होता.

(marathi actress nivedita saraf 60th birthday grand celebration, ashok saraf turn romantic)

याशिवाय निवेदिता यांच्या वाढदिवसाला त्यांची बहीण आणि कुटुंबीय उपस्थित होते. विशेष गोष्ट म्हणजे.. सचिन पिळगावकर आणि सुप्रिया पिळगावकर हे सुद्धा वाढदिवसाला उपस्थित होते.

गेली अनेक वर्ष निवेदिता - अशोक - सुप्रिया - सचिन हे चौघे एकमेकांसोबत आहेत. एकमेकांच्या कौटुंबिक कार्यक्रमाला दोघेही उपस्थित असतात.

निवेदिता यांच्या वाढदिवसाला खास केक कापून सेलिब्रशन करण्यात आलं. याशिवाय सुप्रिया यांनी निवेदिताचा पापा घेत त्यांना केक भरवला. सचिन पिळगावकर यांनी केक कटिंगच्या वेळी निवेदिता यांना आशीर्वाद दिले.

यावेळी भिंतीवर ६० आकडा लिहिला होता. निवेदिता ६० व्या वाढदिवस सेलिब्रेशनला प्रचंड खुश दिसत होत्या.

जवळचे नातेवाईक आणि मित्रमैत्रिण उपस्थित राहिल्याने निवेदिता यांच्या आनंदाला सीमा राहिली नव्हती.

'झी चित्र गौरव' पुरस्कार सोहळा काही दिवसांपूर्वीच पार पडला. या सोहळ्यात अशोक सराफ यांना जीवनगौरव पुरस्कार मिळाला. त्यावेळी निवेदिता सराफ यांनी पोस्ट करून लिहिलं आहे की,

'मी झी मराठीची खूप ऋणी आहे अशोकला जीवनगौरव पुरस्कार देताना इतका अविस्मरणीय सोहळा केल्याबद्दल.. ' अशाप्रकारे निवेदिता सराफ यांनी भावना व्यक्त केल्या होत्या.

निवेदिता सराफ सध्या मी, स्वरा आणि ते दोघे या नाटकात आणि भाग्य दिले तू मला या मालिकेत अभिनय करत आहेत.