प्राजक्ता माळीने कवितेतून दिली प्रेमाची कबुली

मराठी मालिका आणि चित्रपटामधील प्रसिद्ध अभिनेत्री प्राजक्ता माळीचा (prajakta mali) चाहता वर्ग मोठा आहे. तिच्या वैयक्तिक आयुष्याबद्दल जाणून घेण्यासाठी तिचे चाहते उत्सुक असतात. प्राजक्ताचा ‘प्राजक्तप्रभा’ हा काव्यसंग्रह नुकताच प्रकाशित झाला आहे. या काव्य संग्रहातील कवितांना तिच्या चाहत्यांची पसंती मिळत आहे. नुकत्याच एका मुलाखतीमध्ये प्राजक्ताने कॉलेजमध्ये असताना लिहीलेल्या एका कवितेबद्दल सांगितली आहे. (marathi actress prajakta mali confessed her love)

आकरावीमध्ये असताना दिली होती प्रेमाची कबूली

नुकत्याच एका मुलाखतीमध्ये प्राजक्ताने तिच्या आकरावीमधील प्रेमाबद्दल सांगितले. प्राजक्ताने तेव्हा कविता लिहीली होती असं तिने सांगितलं. “प्यार, इश्क, मोहब्बत…ये लब्जभी…सरल शब्द जैसे, सरल नहीं…तो क्या इसके रास्ते और मंजिले क्या खाक सरल होंगे….” अशी कविता प्रजाक्ताने लाल रंगाच्या पेनाने लिहीली होती.

प्राजक्ताच्या ‘प्राजक्तप्रभा’ काव्यसंग्रहाच्या प्रकाशन सोहळ्याला प्रमुख पाहुणे म्हणून अभिनेत्री अमृता खानविलकर, अभिनेता पुष्कर श्रोत्री आणि दिग्दर्शक अभिजित पानसे यांनी हजेरी लावली होती. प्राजक्ताचे काही नातेवाईक आणि सिनेसृष्टीतील मित्रपरिवाराने देखील तिला शुभेच्छा देण्यासाठी या प्रकाशन सोहळ्याला उपस्थित होते. त्यावेळी प्राजक्ताने तिच्या अनेक जुन्या आठवणी सांगितल्या. सध्या 'महाराष्ट्राची हास्य जत्रा' या शोचे प्राजक्ता सुत्रसंचालन करत आहे. 'जुळून येती रेशीमगाठी' या मालिकेमधील प्राजक्ताच्या अभिनयाला प्रेक्षकांची विशेष पसंती मिळाली. पार्टी, हंपी, डोक्याला शॉट या मराठी चित्रपटांमध्ये प्राजक्ताने महत्वपूर्ण भूमिका साकारल्या आहेत.