Sonalee Kulkarni : 'बाराखडी गिरवताना कुठं माहिती होतं की…', ‘मराठी भाषा गौरव दिनी’ सोनाली काय म्हणाली?

Sonalee Kulkarni Marathi Bhasha Din Post : प्रसिद्ध मराठी अभिनेत्री सोनाली कुलकर्णी ही नेहमीच तिच्या वेगवेगळ्या अंदाजासाठी चर्चेत राहणारी सेलिब्रेटी आहे. आज मराठी भाषा गौरव दिनाच्या निमित्तानं (Sonalee kulkarni news) सोनालीनं केलेली पोस्ट चाहत्यांचे, नेटकऱ्यांचे लक्ष वेधून घेताना दिसत आहे. सोनालीची ती पोस्ट व्हायरल होत आहे.

मराठी भाषा गौरव दिनाच्या निमित्तानं अनेक मराठी सेलिब्रेटींनी पोस्ट (Marathi Bhasha Gaurav Din 2024) करुन चाहत्यांना शुभेच्छा दिल्या आहेत. कित्येकांनी चाहत्यांशी संवाद साधला आहे. या सगळ्यात सोनाली कुलकर्णीची पोस्ट चाहत्यांच्या प्रतिक्रियेचा विषय ठरत आहे. नटरंग फेम सोनाली विषयी सांगायचं झाल्यास ती आता लवकरच दाक्षिणात्य चित्रपटांतून प्रेक्षकांचे मनोरंजन करताना दिसणार आहे.

गेल्या काही दिवसांपासून सोनाली तिच्या पोस्ट अन् व्हिडिओमुळे चर्चेत (Sonalee Kulkarni Latest news) आली आहे. तिच्या इंस्टावरील पोस्टला चाहत्यांचा मोठा प्रतिसाद मिळताना दिसतो आहे. सोनालीपूर्वी अभिनेता स्वप्नील जोशी, तेजस्विनी पंडित, अभिजित केळकर यांनी देखील चाहत्यांना मराठी भाषा दिनाच्या शुभेच्छा दिल्या आहेत.

सोनालीनं तिचे साडीतील फोटो शेयर करत म्हटले आहे की, बाराखडी गिरवताना कुठं माहिती होतं की, पुढे हाती खजिना लागणारेय... तुम्हा सर्वांना मराठी भाषा गौरव दिनाच्या हार्दिक शुभेच्छा....अशा शब्दांत सोनालीनं तिच्या भाषा गौरव दिनाच्या निमित्तानं आपल्या भावना व्यक्त केल्या आहेत.

सोनालच्या आगामी प्रोजेक्टविषयी बोलायचे झाल्यास ती मलायकोट्टई वालीबान नावाच्या मल्याळम चित्रपटामध्ये झळकणार असून तिचा हा पहिलाच मल्याळम चित्रपट असणार आहे. यापूर्वी तिनं त्या चित्रपटातील तिच्या भूमिकेचे काही फोटो सोशल मीडियावर पोस्ट केले होते. त्यालाही चाहत्यांचा मोठा प्रतिसाद मिळाला होता. त्यांनी सोनालीच्या या प्रोजेक्टसला शुभेच्छा दिल्या होत्या.