आईबाबा आणि साईबाबाची शप्पथ.. टाईमपास ३ च्या गाण्यानं उडवलाय धुरळा..

timepass 3 : लाखो तरुणांना वेड लावणारा मराठीतील एक दमदार चित्रपट म्हणजे रवी जाधव दिग्दर्शित (ravi jadhav) 'टाइमपास'. या चित्रपटाला प्रेक्षकांचा इतका प्रतिसाद मिळाला की काही कालावधीतच या चित्रपटाचा दुसरा भागही प्रदर्शित झाला. या दोन्ही भागांच्या दमदार यशानंतर आता तिसरा भाग म्हणजेच 'टाइमपास ३' ;लवकरच प्रेक्षकांच्या भेटीला येत आहे. त्यामुळे आता दगडू आणि प्राजक्ताची नेमकी कोणती लव्हस्टोरी प्रेक्षकांना पाहायला मिळणार याची उत्सुकता सर्वांना लागली आहे. नुकतेच या चित्रपटाचे एक भन्नाट गाणे प्रेक्षकांच्या भेटीला आले आहे. (timepass 3 movie coming soon) (ravi jadhav upcoming movie) (hruta durgule in timepass 3)

'आई -बाबा आणि साईबाबा'ची शपथ असं म्हणणारा दगडू साईबाबांचा किती मोठा भक्त आहे, हे यापूर्वीच आपण दोन भागांमध्ये पाहिले आहे. दगडूचे हेच साईप्रेम 'टाइमपास ३' मध्येही पाहायला मिळणार आहे. 'साई तुझं लेकरू' हे गाणे नुकतेच सोशल मीडियावर प्रदर्शित करण्यात आले असून साईच्या चरणी दगडूचे कुटुंब आणि मित्र प्रार्थना करताना दिसत आहेत. या गाण्यात भाऊ कदम म्हणजेच दगडूचे वडील साईबाबांसमोर आभार मानत, दगडू तुमचाच लेकरू असल्याचे सांगत आहेत. दगडूवर तुमची कृपा कायम अशीच राहूदे, असेही ते सांगत आहेत. हे गाणे भाऊ कदम, प्रथमेश परब, आरती वडगबाळकर, मनमीत पेम, ओंकार राऊत आणि जयेश चव्हाण यांच्यावर चित्रित करण्यात आले आहे. 'तुझा हात असताना आता कुणाला घाबरू.. जिंकून आलंया साई तुझं लेकरू' अशा या गाण्याच्या ओळी आहेत.

(marathi movie timepass 3 song sai tujha lekaru released) (timepass 3 : sai tujha lekaru song out)

क्षितीज पटवर्धन यांनी लिहिलेल्या या गाण्याला अमितराज यांनी संगीतबद्धही केले आहे तर अमितराज आणि आदर्श शिंदे यांनी ते गायले आहे. राहुल ठोंबरे आणि संजीव होवलादार यांनी गाण्याचं नृत्यदिग्दर्शन आहे. झी स्टुडिओज आणि अथांश कम्युनिकेशन्सची निर्मिती असलेल्या 'टाइमपास ३' चे दिग्दर्शन रवी जाधव यांनी केले असून यात दगडूच्या आयुष्यात आलेली 'पालवी' पाहायला मिळणार आहे. या पालवीची भूमिका हृता दुर्गुळे हिने साकारली आहे. 'टाइमपास ३' २९ जुलैला चित्रपटगृहात प्रदर्शित होणार आहे.