MC Stan Video: जेव्हा क्रिकेटचा देव अन् रॅपिंगच्या किंगमध्ये होते क्रिकेटची जुगलबंदी ... चर्चा तर होणारच..!

MC Stan Video: एमसी स्टॅन 'बिग बॉस 16' चा विजेता बनल्यापासून सर्वत्र त्याची चर्चा होत आहे. लोकप्रियतेच्या बाबतीत, त्याने भल्या भल्या बॉलीवुड सेलेब्रिटींनाही मागे टाकले आहे. त्याच्या फॅन फॉलोइंगचा अंदाज लावणे हे जरा कठिणचं आहे. रॅपर एमसीची क्रेझ ही चाहत्यांमध्ये प्रचंड आहे. बिग बॉस जिंकल्यानंतर रॅपर घराघरात नाव बनले आहे. एमसी आता कुठेही गेला तरी तिथे त्याची हवा आहे.

सध्या सोशल मिडियावर त्याचे अनेक व्हिडिओ व्हायरल होत असतात. आता त्याचा प्रसिद्ध खेळाडू सचिन तेंडुलकरसोबतचा एक व्हिडिओ खूप व्हायरल होत आहे, ज्यामध्ये तो सचिनसोबत क्रिकेट खेळताना दिसत आहे. हा व्हिडिओ काही वेळातच सोशल मिडियावर व्हायरल झाला आहे. जे पाहिल्यानंतर स्टॅनचे चाहते खुपच खुश आहेत. त्याचे चाहते याला 'एपिक मोमेंट' म्हणत आहेत.

दरम्यान, एमसी स्टॅन त्याचा आवडता क्रिकेटर सचिन तेंडुलकरसोबत क्रिकेट खेळताना दिसला. गुरुवारी एमसी स्टेनने त्याच्या एक व्हिडिओ पोस्ट केला ज्यामध्ये तो क्रिकेटचा देव म्हणुन ओळखल्या जाणाऱ्या दिग्गज सचिन तेंडुलकरसोबत क्रिकेट खेळताना दिसत आहे.

यावेळी स्टॅन ऑल-ब्लॅक आउटफिट आणि काळ्या चष्म्यांसह गोलंदाजी करताना दिसला आणि त्याचवेळी व्हिडिओमध्ये सचिन तेंडुलकर फलंदाजी करताना दिसत आहे.

सचिन तेंडुलकर फलंदाजी करताना दिसत आहे. त्याने साधा लाल शर्ट आणि क्रीम पॅन्ट घातली होती. एमसी स्टॅनने नंतर क्रिकेटपटूसोबतचे फोटोही पोस्ट केले आणि त्यांना कॅप्शन दिले, 'दिग्गज सचिन तेंडुलकरसोबत गोलंदाजी. क्रिकेटचा देव. खूप कृतज्ञ. हक से #50forsachin'

हा व्हिडिओ व्हायरल झाल्यानंतर दोघांचे चाहते खुप खुश आहेत. त्यांनी या व्हिडिओला वेगवेगळ्या प्रतिक्रिया देणं सुरु केलं आहे. चाहते कमेंट्सद्वारे दोघांचे कौतुक करत आहेत.

काही दिवसांपुर्वी टेनिस स्टार सानिया मिर्झाने एमसी स्टेनला महागडे गिफ्ट दिले होते. ज्यासाठी रॅपरने त्याच्या इंस्टाग्रामवर फोटो शेअर करून तिचे आभार मानले आहेत. ज्यांची किंमत खुपच होती. सानिया मिर्झाने त्याला 30,000 रुपये किमतीचा बालेंसियागा सनग्लासेस आणि 91,000 रुपये किंमत असलेल्या शूज स्टॅनला भेट दिली होती.