Sienna Weir Passes Away : घोडेस्वारी करताना अपघातात 23 वर्षीय मॉडेलचं निधन

2022 मिस युनिव्हर्स फायनलिस्ट आणि ऑस्ट्रेलियन फॅशन मॉडेल असलेली सिएना वेअर हिचं वयाच्या 23 व्या वर्षी निधन झालं आहे. वृत्तानुसार ऑस्ट्रेलियात घोडेस्वारी करतांना सीएनाचा अपघाता झाला होता त्यानंतर तिच्यावर उपचार सुरु होते मात्र उपचारादरम्यान तिने अखेरचा श्वास घेतला.

(Miss Universe 2022 Finalist Sienna Weir Dies in a tragic horseriding accident)

तिच्या मॉडेलिंग एजन्सी स्कूप मॅनेजमेंटने देखील तिच्या मृत्यूची पुष्टी केली कारण तिने इंस्टाग्रामवर फोटो शेअर केले आहेत.

2 एप्रिल रोजी ऑस्ट्रेलियातील विंडसर पोलो मैदानात सिएना घोडेस्वारीचा आनंद घेत होती. मात्र अचानक ती घोड्यावरुन खाली पडली त्यावेळी तिला गंभीर दुखापत झाली होती. त्यानंतर लगेचच तिला रुग्णालयात दाखल करण्यात आलं. तिच्यावर अनेक दिवसांपासून उपचारही सुरु होते. मात्र त्या दरम्यानच तिला मृत्यूनं घेरलं.

'मिस युनिव्हर्स 2022' या स्पर्धेत सिएनानं तिच्या सौदर्याचा जलवा दाखवला होता. ता या स्पर्धेत शेवटच्या भागात पोहचली होती. ब्यूटी क्वीनने सिडनी विद्यापीठातून इंग्रजी साहित्य आणि मानसशास्त्रात दुहेरी पदवी प्राप्त केली होती आणि तिने केवळ तीन वर्षांची असताना घोडेस्वारी सुरू केली होती.

तिच्या मृत्यूनंतर, तिच्यासोबत अनेक कार्यक्रमांमध्ये काम करणारा ऑस्ट्रेलियन छायाचित्रकार ख्रिस ड्वायर याने देखील मॉडेल सिएना वेअरला श्रद्धांजली वाहण्यासाठी त्यांच्या अधिकृत सोशल मीडिया हँडलवर पोस्ट केली आहे. त्याने सिएनाचा फोटो पोस्ट करत कॅप्शन दिले, “तु जगातील सर्वात दयाळू लोकांपैकी एक होतीस तू कमी कालावधीतच प्रसिद्धीचा झगमगाट पाहिलास आणि आता अंधार करुन गेलीस.'

सोशल मीडियावर तिच्या निधनाची बातमी पसरताच, तिचे चाहत्यांनी आणि मनोरंजन विश्वातील कलाकारांनी तिला श्रद्धांजली वाहण्यास सुरवात केली आहे.