सुभाष घईंची 'ती' कमेंट ऐकून नीना गुप्तांची अशी झाली होती अवस्था

१९९३ साली प्रदर्शित झालेल्या 'खलनायक' Khalnayak या चित्रपटातील 'चोली के पीछे क्या है' Choli Ke Peeche song हे गाणं चांगलंच गाजलं. या गाण्यामुळे त्यावेळी 'खलनायक' हा चित्रपट चर्चेत आला होता. अनेकांनी त्यावर अश्लील गाणं असल्याचा आरोप केला. तर गाण्यातील अभिनेत्री नीना गुप्ता, माधुरी दीक्षित आणि ईला अरुण यांच्यावरही टीका झाली. नीना गुप्ता Neena Gupta यांनी आता त्यांच्या 'सच कहूँ तो' या आत्मचरित्रात गाण्याच्या शूटिंगसंदर्भातील एक खुलासा केला आहे. (Neena Gupta recalls feeling embarrassed after Subhash Ghai demanded she wear padded bra for Choli Ke Peeche song)

'ते गाणं जेव्हा मी पहिल्यांदा ऐकलं, तेव्हा मला ते आवडलं. पण गाणं शूट करताना मी खूप नर्व्हस होते. मला गुजराती आदिवासी कपडे देण्यात आले होते आणि गाण्यासाठी तयार झाल्यानंतर मला सुभाष घई यांच्याकडे पाठवलं. मी पूर्ण तयार होऊन त्यांच्यासमोर उभी राहिले आणि त्यांनी मला पाहताच, नो नो नो, कुछ भरो.. असं म्हणत ओरडू लागले. ते ऐकून मला खूप ओशाळल्यासारखं झालं. माझ्या मते, ते माझ्या ब्लाऊजबद्दल बोलत होते. त्या दिवशी मी शूटिंग केले नाही. नंतर दुसऱ्या दिवशी मी सेटवर पोहोचले तेव्हा मला हेवी पॅडेड ब्रा दिली गेली होती', असं त्यांनी पुस्तकात लिहिलं.

नीना यांचं 'सच कहूँ तो' हे आत्मचरित्र १४ जून रोजी प्रकाशित झालं. या आत्मचरित्रात त्यांनी त्यांच्या खासगी आयुष्याविषयीही बरेच खुलासे केले आहेत.