Neha Kakkar 'रिअॅलिटी शो'मध्ये का रडते? ट्रोलिंगवर दिले स्पष्टीकरण | Sakal
sakal

बोलून बातमी शोधा

Neha Kakkar News

Neha Kakkar 'रिअॅलिटी शो'मध्ये का रडते? ट्रोलिंगवर दिले स्पष्टीकरण

Neha Kakkar News : बॉलीवूडची गायिका नेहा कक्कर सोशल मीडियावर सर्वाधिक फॉलो केल्या जाणाऱ्या सेलिब्रिटींपैकी एक आहे. इंडस्ट्रीमध्ये जवळपास १५ वर्षांच्या कारकिर्दीत या गायिकेने अनेक सिंगिंग रिअॅलिटी शोजमध्ये परीक्षक म्हणून काम करत आहे. नेहा कक्करने (Neha Kakkar) वयाच्या १६ व्या वर्षी पहिल्यांदा इंडियन आयडॉल या रिअॅलिटी शोमध्ये भाग घेतला होता. पण काही कारणास्तव ती शो जिंकू शकली नाही.

गायिका अनेकदा रिअॅलिटी शोमध्ये भावूक होताना दिसते. त्यामुळे तिला 'क्राय बेबी' असेही म्हटले जाते आणि याच कारणामुळे तिला ट्रोलिंगला सामोरे जावे लागत आहे. आता नुकत्याच दिलेल्या एका मुलाखतीत तिने ट्रोल करणाऱ्यांना प्रत्युत्तर दिले आहे. (Entertainment News)

हेही वाचा: बाॅलीवूडच्या 'या' दिग्गज कलाकारांनी कष्टाने मिळविले यश

नेहा कक्करने ट्रोलिंगवर स्पष्टीकरण दिले

अलीकडेच दिलेल्या मुलाखतीत नेहा कक्करला ट्रोलिंगबद्दल विचारण्यात आले, ज्यावर तिने उत्तर दिले की मी अशा लोकांना दोष देऊ शकत नाही. कारण असे बरेच लोक आहेत जे अजिबात भावनिक नसतात.

पण जे लोक माझ्यासारखे भावनिक आहेत, ते मला समजून घेतील आणि माझ्याशी रिलेट करतील. आज आपल्याला इतरांच्या वेदना जाणवणारे आणि त्यांना मदत करू इच्छिणारे फारसे लोक दिसत नाहीत. माझ्यात असे गुण आहेत आणि मला त्याची खंत नाही.

हेही वाचा: Allu Arjun चा अमेरिकेत डंका, 'इंडिया डे परेड'मध्ये ग्रँड एंट्री

प्रत्येकजण संघर्ष करतो

नेहा पुढे म्हणाली की, जेव्हा आम्ही दाखवतो की एक स्पर्धक इतक्या गोष्टींचा त्याग करून इथपर्यंत कसा पोहोचू शकतो. त्यामुळे लोक स्वतःला त्याच्याशी जोडू शकतात.

कारण प्रत्येकाने कोणत्या ना कोणत्या वेळी ध्येय साध्य करण्यासाठी धडपड केलेली असते. आम्ही फक्त तेच शो दाखवतो, जे आमच्या घरात होतात.

Web Title: Neha Kakkar Cry During Reality Show Her Reaction On This

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..