ओडिसा येथील दिग्गज अभिनेते रायमोहन परिदा यांचा संशयास्पद मृत्यू..
Raimohan Parida Dies : ओडिसा सिनेसृष्टीतील दिग्गज अभिनेते रायमोहन परिदा (Raimohan Parida) यांचे निधन झाले आहे. वयाच्या 58 वर्षी त्यांनी अखेरचा श्वास घेतला. त्यांनी आत्महत्या केल्याची शक्यता वर्तवली जात आहे. गेल्या काही दिवसात आत्महत्या करणाऱ्या कलाकारांची संख्या वाढत असतानाच ही आणखी एक धक्कादायक बातमी समोर आली आहे. (Ollywood actor Raimohan Parida dies by suicide)
रायमोहन परिदा यांचा मृतदेह भुवनेश्वरमधील प्राची विहार या त्यांच्या राहत्या घरी आढळला. पोलिस सध्या या प्रकरणाचा तपास करत आहेत. त्यांच्या मृत्यूचं कारण अद्याप स्पष्ट झालेलं नाही. परंतु त्यांनी गळफास लावून आत्महत्या केल्याचे सांगितले जात आहे. परंतु त्यांच्या निधनाचे गूढ उलगडलेले नाही. घरच्यांच्या मते त्यांना कोणत्याही प्रकारचा तनाव नव्हता. त्यांच्या निधनामुळे ओडिसा सिनेसृष्टीवर शोककळा पसरली आहे.
रायमोहन परिदा यांनी ओडिसासह अनेक बंगाली सिनेमात काम केले आहे. 'सागर' या सिनेमाच्या माध्यमातून रायमोहन परिदा यांनी सिनेसृष्टीत पदार्पण केलं. 'सागर'सह त्यांनी 'बंधना', 'असिबू केबे साजी मो रानी', 'तू थिले दारा कहाकु', 'तोह बिना मो कहानी आधा', 'छाती चीरिदेले तू' अशा अनेक लोकप्रिय सिनेमांत भूमिका केल्या आहेत. ते नकारात्मक भूमिकेसाठी प्रसिद्ध होते. त्यांनी १०० हून अधिक चित्रपटात अभिनय केला आहे. तेथील रंगभूमी आणि लोकरंगभूमीवर ही त्यांचे योगदान मोठे आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.