सबस्क्राईब करा
यंदाचे वर्ष संपायला आता काहीच दिवस उरले आहेत. 2023 चा विकेंड मजेदार आणि मनोरंजन व्हावे यासाठी सर्वच जण आपआपल्या परिने प्लॅन करत असतो. मित्रांसोबत मस्ती असो किंवा बाहेर फिरणे असो मात्र यासोबत मनोरंजनासाठी वेब सिरिज अन् चित्रपट देखील प्रेक्षकांच्या भेटीला येत आहे.
सरत्या वर्षांच्या आठवड्यात धमाकेदार चित्रपट आणि वेब सिरिज ओटीटीवर प्रदर्शित होणार आहेत. आता कोणते चित्रपट आणि सिरिज कोणत्या प्लॅटफॉर्मवर प्रदर्शित होणार आहेत हे जाणुन घेऊया..
1. खो गए हम कहाँ
अर्जुन विरण सिंग दिग्दर्शित खो गए हम कहाँ हा सिनेमा प्रेक्षकांच्या भेटीला येणार आहे. या चित्रपटात अनन्या पांडेसोबत सिद्धांत चतुर्वेदी आणि आदर्श गौरव मुख्य भूमिकेत दिसणार आहेत. तीन मित्रांची ही कहाणी असलेला हा सिनेमा नेटफ्लिक्सवर 26 डिसेंबर रोजी प्रदर्शित झाला आहे.
2.मंगलवारम
मंगलवारमचे दिग्दर्शन अजय भूपती यांनी केलं आहे. हा एक तेलुगू भाषेतील सायकोलॉजिकल मिस्ट्री थ्रिलर चित्रपट आहे. यात पायल राजपूत, श्रवण रेड्डी, चैतन्य कृष्णा, नंदिता स्वेता, अजय घोष आणि लक्ष्मण यांच्या महत्त्वाच्या भूमिकेत आहे. हा सिनेमा देखील 26 डिसेंबर रोजी DisneyPlus Hotstar वर प्रदर्शित झाला आहे.
3. 12वी फेल
विधू विनोद चोप्रा दिग्दर्शित विक्रांत मॅसी स्टारर '12वी फेल ' हा सिनेमा बॉक्स ऑफिसवर सुपरहिट ठरला. आता चित्रपट OTT वर धडकणार आहे. हा चित्रपट आता OTT डिस्ने प्लस हॉटस्टारवर 29 डिसेंबरला प्रदर्शित होणार आहे.
4.थ्री ऑफ अस
थ्री ऑफ अस हा सिनेमा ३ नोव्हेंबरला प्रदर्शित झाला होता. या चित्रपटात शेफाली शाह, जयदीप अहलावत आणि स्वानंद किरकिरे यांच्या प्रमुख भूमिका आहेत. अविनाश अरुण दिग्दर्शित हा सिनेमा 29 डिसेंबर रोजी नेटफ्लिक्सवर येणार आहे.
5.अन्नपूर्णानी
अन्नपूर्णानी हा चित्रपट 29 डिसेंबर रोजी तुम्ही ZEE5 वर प्रेक्षकांच्या भेटीला येणार आहे. यात एका शेफची गोष्ट प्रेक्षकांना पहायला मिळणार आहे जो एका ब्राह्मण कुटुंबातील आहे. ब्राह्मण कुटुंबातील असूनही तो नॉनेव्हेज पदार्थ बनवण्यात पारंगत आहे. या चित्रपटात नयनतारा मुख्य भूमिकेत दिसणार आहे.
6.लिटल डिक्सी
लिटिल डिक्सी हा एक अमेरिकन क्राईम थ्रिलर चित्रपट आहे. लिटल डिक्सी 28 डिसेंबर रोजी नेटफ्लिक्सवर प्रदर्शित होत आहे.
7.मिस शैम्पू
हा एक रोमँटिक कॉमेडी चित्रपट आहे. एका सलूनमध्ये काम करणारी मुलगी चुकून एका गुंडाचा जीव वाचवते, त्यामुळे तिचे ग्राहक वाढू लागतात, पण तिला एका नव्या समस्येने सामोरं जावं लागत. 28 डिसेंबरला हा चित्रपट नेटफ्लिक्सवर प्रदर्शित होत आहे.
8.बर्लिन
लोकप्रिय 'मनी हाईस्ट'मधील गाजलेल्या बर्लिन या व्यक्तीरेखेवर आधारीत कथा या सिरीजमध्ये दाखवण्यात येणार आहे. ही सिरीज 29 डिसेंबरला नेटफ्लिक्सवर प्रदर्शित होणार आहे.
9.दोनो
सनी देओलचा मुलगा राजवीर देओल आणि पूनम ढिल्लोनची मुलगी पलोमा ढिल्लोन यांनी या चित्रपटातून अभिनय क्षेत्रात पदार्पण केले, तर सूरज बडजात्याचा मुलगा अवनीश बडजात्या याने दिग्दर्शनाची इनिंग सुरू केली. हा चित्रपट 29 डिसेंबर रोजी OTT प्लॅटफॉर्म Zee5 वर प्रदर्शित होत आहे.
10.'द कर्स'
'द कर्स'चे दिग्दर्शन नॅथन फील्डरने केले आहे. ही एका नवविवाहित जोडप्याची ही कहाणी आहे जिला स्वतःला एक शाप आहे. 29 डिसेंबर रोजी ही सिरीज प्रदर्शित होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
