Bigg Boss OTT 2 : 'तुला सणकन ठेवूनच देणार होते, पण...'!

Bigg Boss OTT 2 - टीव्ही मनोरंजन विश्वात ज्या रियॅलिटी शो चा कायमच बोलबाला राहिला आहे त्या बिग बॉस ओटीटीच्या दुसऱ्या पर्वानं प्रेक्षकांचे लक्ष वेधून घेतले आहे. त्यात सहभागी झालेले स्पर्धक, त्यांचे वाद हे प्रेक्षकांसाठी खास चर्चेचा विषय राहिला आहे. सुरुवातीच्या काळात प्रसिद्ध अभिनेत्री पूजा भट्ट आणि नवाझुद्दीन सिद्धिकीची पत्नी आलिया यांच्यातील वाद समोर आला होता.

सध्या पुन्हा एकदा पूजा भट्ट ही चर्चेत आली आहे. बिग बॉसच्या घरातील सदस्यांवर आगपाखड करत पूजानं आपल्या वाटेला गेल्यास काय परिणाम होतील याची जाणीव करुन दिली आहे.त्यामुळे पूजा सोशल मीडियावर जोरदार ट्रेंड करते आहे. आलिया सिद्धिकीनं सुरुवातीला तिच्या वैयक्तिक आयुष्यातील गोष्टी समोर आणून त्याविषयी चर्चा सुरु केली होती. त्यावरुन पूजानं तिला फटकारले होते.

Also Read - Adhik Shravan Maas : अधिक श्रावण मास चित्तशुद्धीचा पर्वकाळ

आलिया तू दरवेळी तुझ्या वैवाहिक आयुष्यात काय झाले यावरुन प्रेक्षकांना गृहीत धरु नकोस. तसेच त्यांची सहानूभुती मिळवण्याचे काम करु नकोस. अशा शब्दांत पूजानं तिचे कान टोचले होते. आता पुन्हा एकदा पूजा आणि बेबिका धुर्वे चर्चेत आल्या आहेत. त्यात पूजानं परखड शब्दांत तिचा राग व्यक्त केला आहे.

बिग बॉस ओटीटी २ मधील लेटेस्ट एपिसोडमध्ये नॉमिनेशन टास्क पार पडला. त्यात प्रत्येक स्पर्धकाला तुम्हाला कोणत्या स्पर्धकाला नॉमिनेट करायला आवडेल असे विचारण्यात आले होते. यावेळी पूजा आणि बेबिका धुर्वे यांच्यात तू तू मैं मैं झाल्याचे दिसून आले. याप्रसंगी सगळ्या स्पर्धकांना एक एक लॉकेट देण्यात आले होते. त्यात अभिषेक मल्हानच्या हाती असलेले लॉकेट तुटते. तेव्हा पुजानं ते लॉकेट बेबिकानं तोडलं असा आरोप केला. त्यांच्यात भांडणं होतात.

जोरदार झालेल्या या भांडणामध्ये पूजा बेबिकाला ऐकवते की, जर तू ते लॉकेट तोडले असेल तर तुला मी एक सणकन ठेऊन देणार आहे. बेबिकानं सांगितले की, माझ्याकडून चुकून ते तुटले. मी जाणीवपूर्वक ते काही तोडलेले नाही. मला तुझं नाव जियाकडून कळलं. पण तू असे काही करशील असे मला वाटले नव्हते. अशा शब्दांत पूजानं तिचा राग व्यक्त केल्याचे दिसून येते.