Prajakta Mali: "प्राजक्ता! तुझ्या नशिबात राजकारणात", आदिती तटकरेंसोबत फोटो पोस्ट करताच प्राजक्ताच्या फॅन्सच्या कमेंट्स

Prajakta Mali News: प्राजक्ता माळी ही सोशल मीडियावरील चर्चेतील अभिनेत्री. प्राजक्ताला आपण अनेक सिनेमे, मालिका आणि वेबसिरीजमधून पाहिलंय. प्राजक्ता माळी सध्या महाराष्ट्राची हास्यजत्रा शोचं सूत्रसंचालन करतेय.

प्राजक्ताने नुकतंच महाराष्ट्र राज्याच्या महिला व बालविकास मंत्री आदिती तटकरेंची भेट घेतली. त्या भेटीचे फोटो प्राजक्ताने खास सोशल मीडियावर शेअर केले आहेत. हे फोटो पाहून नेटकऱ्यांनी प्राजक्ताच्या फोटोंवर भन्नाट कमेंट्स केल्या आहेत.

(prajakta mali share photo with minister aditi tatkare)

प्राजक्ताने आदिती तटकरेंसोबत फोटो पोस्ट करुन लिहीलंय की, "महिला व बाल विकास मंत्री, महाराष्ट्र राज्य. की आयुष्यभरासाठी मित्र? मा. आदिती ताई तटकरे. स्वतः महिला आणि नाव “आदिती”च महिलांचे प्रश्न जाणून; स्त्री शक्तीस आधारां खंबीर, झझावती नेतृत्व त्यांच्यात आहे. बरोबरीनं. लेझर शार्प फोकस, असाधारण स्मृती, दयाळू स्वभाव आणि त्वरित निर्णय घेण्याची क्षमता; मला खूप प्रेरणा देते."

प्राजक्ता पुढे सांगते, "त्यांना जवळून ओळखता आलं याचा मला आनंद आहे.

काल रात्री आमची हसून हसून पुरेवाट झाली.

आमची स्वभाव खूप जुळतो. आपण महिला सक्षमीकरणासाठी लवकरच एकत्र काम केले पाहिजे. आपण करावं का?"

प्राजक्ता, तुझ्या नशिबात राजकारणात प्रवेश आहे असं दिसतंय, प्राजक्ताच्या एका फॅनने अशी कमेंट केलीय जी चर्चेत आहे.

प्राजक्ताने सुद्धा तिच्या पोस्टच्या शेवटी, आपण महिला सक्षमीकरणासाठी लवकरच एकत्र काम केले पाहिजे. आपण करावं का? असं कॅप्शन दिल्याने येत्या काळात प्राजक्ताने राजकारणात प्रवेश केला तर आश्चर्य वाटायला नको.