पुलकित सम्राटचे कृतिशी अफेअर?

मुंबई : यामी गौतम आणि पुलकित सम्राट या दोघांच्या अफेअरविषयी सर्वांना माहीत आहे. हे दोघे एकमेकांना बरेच वर्ष डेट करत होते. मात्र, गौतम आणि सम्राट या दोघांचा ब्रेकअप झाला होता. त्यानंतर यामी गौतमशी ब्रेकअप झाल्यानंतर पुलकित सम्राट आता पुन्हा एका अभिनेत्रीच्या प्रेमात पडला आहे. पुलकित सम्राटचे 'पागलपंती'ची अभिनेत्री कृति खरबंदासोबत अफेअर असल्याची चर्चा आहे.

पुलकित सम्राट आणि कृति हे दोघे यापूर्वी 2018 मध्ये रिलीज झालेल्या 'वीरे की वेडिंग' या चित्रपटात दिसले होते. त्यानंतर आता त्यांच्या अफेअरच्या चर्चा सुरु झाल्या आहेत. पुलकित कृति खरबंदाला डेट करत आहे. पुलकित सम्राटने त्याच्या इन्स्टाग्राम अकाउंटवर कृति खरबंदासोबतचा एक फोटो शेअर केला आहे. 

'वीरे की वेडिंग' या चित्रपटापासून पुलकित आणि कृती यांच्यामध्ये जवळीक निर्माण झाली. परंतु, दोघांना मागील वर्षी वरुण शर्माच्या बर्थडेला एकत्र पाहण्यात आले होते. त्यानंतर त्यांच्या अफेअरची चर्चा रंगली.