अभिनेता शाहरुख खान याच्या पठाण या चित्रपटाबद्दल मनसेची दुटप्पी भूमिका समोर आली आहे. मनसेने आधी 'पठाण' चित्रपटाला विरोध केला होता. मात्र आता 'पठाण'चं कौतुक करत राज ठाकरे यांनी स्वतः शाहरुख खानला पुष्पगुच्छ पाठवला आहे.
पठाण चित्रपटाला मिळालेल्या यशाबद्दल राज ठाकरेंनी शुभेच्छा दिल्या आहेत. अभिनेता शाहरुख खान आणि अभिनेत्री दीपिका पादुकोनला राज ठाकरे यांनी शुभेच्छा संदेश पाठवला आहे. यापूर्वी मनसेकडून पठाण चित्रपटाला विरोध करण्यात येत होता. मात्र आता राज ठाकरेंच्या भूमिकेमुळे विविध चर्चांना उधाण आलं आहे.
मनसेने का विरोध केला होता?
'पठाण' चित्रपट प्रदर्शित झाल्यानंतर अनेक मराठी चित्रपटांना स्क्रीन मिळत नसल्याने मनसेने या चित्रपटाला विरोध केला होता. ‘पठाण’चं भलं करा, पण मराठी चित्रपटांनाही त्यांचा वाटा द्यायलाच पाहिजे, नाहीतर मग आम्ही येऊन ‘बांबू’ लावूच शकतो, असं मनसे चित्रपट सेनेचे अध्यक्ष अमेय खोपकर यांनी त्यावेळी म्हटलं होतं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.