Animal: बापरे! रणबीरच्या सिनेमाची लांबी इतकी मोठी, सेन्सॉरकडून A सर्टिफिकेट

Animal Ranbir Kapoor: रणबीर कपूरच्या अ‍ॅनिमल सिनेमाची सर्वांना उत्सुकता आहे. गेल्या अनेक दिवसांपासुन सिनेमातली गाणी, टीझर अशा अनेक गोष्टींची सोशल मीडियावर हवा आहे. त्यातच आता अ‍ॅनिमलविषयी मोठी बातमी समोर आलीय. ती वाचुन तुम्हाला आश्चर्याचा धक्का बसेल.

अ‍ॅनिमलचा रनटाईम समोर आलाय. गेल्या काही वर्षातले बॉलिवूड सिनेमे पाहिले तर अ‍ॅनिमल रनटाईम हा आजवरचा सगळ्यात जास्त लांबीचा सिनेमा म्हणता येईल.

अ‍ॅनिमल सिनेमाचा रनटाईम आणि सेन्सॉर सर्टिफिकेट

रणबीर कपूर, रश्मिका मंदाना, अनिल कपूर यांची प्रमुख भुमिका असलेल्या अ‍ॅनिमल सिनेमाचा लांबी खुप मोठी आहे. तब्बल ३ तास २१ मिनीटं लांबीचा हा सिनेमा असणार आहे. त्यामुळे सध्याच्या फास्ट जमान्यात प्रेक्षकांच्या संयमाची परीक्षा होणार, यात शंका नाही.

याशिवाय सेन्सॉरकडून सिनेमाला A सर्टिफिकेट मिळालंय. संदीप रेड्डी वंगा दिग्दर्शित हा सिनेमा रोमान्स आणि अ‍ॅक्शनचा मसाला असणार यात शंका नाही.

अ‍ॅनिमलचा खास टीझर बुर्ज खलिफावर

अ‍ॅनिमलच्या निर्मात्यांनी सिनेमाचा टीझर चित्रपटाच्या रिलीजपूर्वी संपूर्ण जगाला दाखवण्याचा प्रयत्न केला आहे.

सोशल मीडिया प्लॅटफॉर्मवर शेअर केलेल्या व्हिडिओमध्ये बुर्ज खलिफावरील अ‍ॅनिमलचा खास ट्रेलर दाखवला गेला. यावेळी रणबीर कपूरसोबत बॉबी देओल आणि निर्माते भूषण कुमार या ऐतिहासीक क्षणाचे साक्षीदार झाले.

या दिवशी अ‍ॅनिमल सिनेमा येणार भेटीला

भूषण कुमार आणि कृष्ण कुमार यांच्या टी-सिरीजची निर्मिती असलेला अ‍ॅनिमल सिनेमाची सध्या खुप चर्चा आहे. संदीप रेड्डी वंगा दिग्दर्शित हा चित्रपट क्राईम ड्रामा प्रकारातील आहे. सिनेमात रणबीर कपूर, अनिल कपूर, रश्मिका मंदाना आणि बॉबी देओल अशा कलाकारांच्या प्रमुख भुमिका आहेत. हा सिनेमा 1 डिसेंबर 2023 ला सिनेमागृहात रिलीज होतोय.