Ranveer Singh: 'अरे मी रणवीर सिंग, पत्रकार म्हणतो, ओळखत नाही'

Ranveer Singh Bollywood actor trolled: बॉलीवूडचा अतरंगी अभिनेता रणवीर सिंग हा फॉर्म्युला रेस पाहायला गेला. तिथं गेल्यावर जे झालं ते आता सोशल मीडियावर व्हायरल झालं आहे. त्यामुळे रणवीर सोशल मीडियावर ट्रोल होतो. चाहत्यांनी त्याच्याप्रती सहानुभूती व्यक्त केली आहे. एवढ्या मोठ्या अभिनेत्याचा अशाप्रकारे अपमान होणे हे चाहत्यांना काही आवडलेले नाही. त्यामुळे त्यांनी त्या पत्रकारावर सडकून टीका केली आहे.

जगभरामध्ये फॉर्म्युला वन हा प्रसिद्ध आहे. त्याचा मोठा प्रेक्षकवर्गही आहे, बॉलीवूडच्या अनेक सेलिब्रेटींनाही त्या खेळाविषयी कुतूहल आहे. अशातच बॉलीवूडचा प्रख्यात अभिनेता रणवीर सिंग एका वेगळ्याच कारणासाठी चर्चेत आला आहे. त्याचे कारण त्याला पत्रकारानं डावलणं हे होतं. यामुळे रणवीरच्या भावना दुखावल्या गेल्या. आणि तो चाहत्यांच्या सहानुभूतीचा विषय ठरताना दिसतो आहे.

तो व्हिडिओ सुरु होताच एक पत्रकार रणवीरला काही प्रश्न विचारताना दिसून येतो. यावेळी रणवीर त्या पत्रकाराला आपली ओळख करुन देतो. मी रणवीर सिंग आणि बॉलीवूडचा अभिनेता आहे. मात्र यावर त्या पत्रकारानं रणवीरला जास्त काही विचारले नाही. त्यानं त्याच्याकडे दुर्लक्ष केले. यामुळे रणवीर नाराज झाल्याचे दिसून आले. त्यानं पत्रकार मित्रानं आपल्याला दुर्लक्षित केलं. अशा शब्दांत नाराजी व्यक्त केली आहे.

रणवीरच्या त्या व्हिडिओवर त्याच्या चाहत्यांनी देखील नाराजी दर्शवली आहे. बॉलीवूडच्या एवढ्या मोठ्या अभिनेत्याला तो पत्रकार कसा काय ओळखत नाही ्सा प्रश्न रणवीरच्या चाहत्यांनी उपस्थित केला आहे. रणवीरनं शेयर केलेल्या त्या व्हिडिओला नेटकऱ्यांचा मोठा प्रतिसाद मिळाला आहे. यापूर्वी देखील बॉलीवूडच्या अनेक सेलिब्रेटींना परदेशी पत्रकारांकडून अशाप्रकारची तिरकस वागणूक मिळाल्याची उदाहरणं नेटकऱ्यांनी दिली आहेत.