रणवीर होणार गुजराती 'भाई'!

मुंबई : अभिनेता रणवीर सिंग आगामी चित्रपटात एका गुजराती व्यक्तिरेखेत दिसेल. यशराज फिल्म्सच्या 'जयेशभाई जोरदार' या चित्रपटात रणवीर गुजराती जयेशभाईची मुख्य भूमिका साकारणार आहे. या चित्रपटाची निर्मिती मनिष शर्मा करणार असून दिग्दर्शन दिव्यांग ठक्कर करणार आहेत.

वेगवेगळ्या भूमिकांसाठी रणवीस नेहमीच सज्ज असतो. 'जयेशभाई जोरदार'मध्ये तो एका विनोदी गुजराती व्यक्तीच्या भूमिकेत दिसेल. ट्रेड अॅनालिस्ट तरन आदर्श यांनी या चित्रपटाबाबतचे ट्विट केले आहे.

सिंबा, गलीबॉयच्या यशानंतर आता रणवीर आणखी वेगळ्या भूमिकांध्ये प्रेक्षकांची मनं जिंकेल. सध्या रणवीर '83' चित्रपटाच्या चित्रीकरणात व्यग्र असून त्यानंतर लगेच 'जयेशभाई जोरदार'च्या चित्रीकरणाला सुरवात होईल.