Ratan Rajput : तो जंगलात ओढत होता अन् लोक तमाशा बघत होते; रतनने सांगितली घटना

TV Actress Ratan Rajput News रतन राजपूत (Ratan Rajput) ही लोकप्रिय टीव्ही अभिनेत्री (TV Actress) आहे. ‘अगले जनम मोहे बिटिया ही कीजो’मध्ये तिने ‘लाली’ची भूमिका साकारली होती. रतन राजपूत काही काळापासून टीव्हीपासून दूर आहे. परंतु, सोशल मीडियाच्या माध्यमातून चाहत्यांशी जोडलेली आहे. रतनचे व्लॉग्स चाहत्यांना खूप आवडतात. रतन राजपूतने नवीन फोन (Mobile) विकत घेतला आहे. यानंतर तिने एका घटनेबद्दल सांगितले. तुम्हाला या घटनेबद्दल जाणून आश्चर्य वाटेल.

अभिनेत्री रतन राजपूतने (Ratan Rajput) सांगितले की, ही त्या वेळची गोष्ट आहे जेव्हा ती दिल्लीत राहायची. त्या दिवसांत ती मंडी हाउसमध्ये नाटकाचा सराव करीत असे. एके दिवशी ती मंडी हाउसमधून परतत असताना आईशी फोनवर (Mobile) बोलत होती. एका मुलाने तिचा फोन हिसकावून घेण्याचा प्रयत्न केला. मदतीसाठी जोरजोरात आरडाओरडा केला; परंतु, कोणीही मदतीसाठी पुढे आले नाही.

उभे असलेले लोकं फक्त तमाशा बघत राहिले. मदत मिळाली नाही तेव्हा ती मुलाच्या मागे दूरपर्यंत गेली. मुलाचा पाठलाग करताना खूप समोर निघून गेली होती. तेवढ्यात एक मुलगा तिथे येतो. तेव्हा ती मुलाकडे मदतीची याचना करते. परंतु, तो मुलगा तिचा हात धरतो आणि जंगलात ओढायला लागतो. रतनला जंगलाकडे ओढत तो मुलगा म्हणतो ‘आ तुझे तेरा फोन देता हूं’, असे अभिनेत्री रतन राजपूतने सांगितले.

अभिनेत्री रतन राजपूतसाठी ती रात्र भयंकर काळ्या रात्रीपेक्षा कमी नव्हती. अखेर दोन मुले तिथे येतात आणि रतन राजपूतची मदत करतात. एवढेच नाही तर दोन्ही मुल तिला सुखरूप घरी पोहोचवतात.