Ravi Kishan Daughter : प्रसिद्ध अभिनेता रवि किशनची 'इशिता' होणार सैन्यात भरती!

Ravi Kishan Daughter Ishita Shukla Join Defence Force : राजकारण्यांची मुलं ही राजकारणातच जातात, त्याच क्षेत्रात करिअर करतात असे नेहमी म्हटले जाते. मात्र देशातील एका प्रसिद्ध कलाकाराच्या आणि राजकारणी व्यक्तीच्या मुलीनं वेगळ्याच क्षेत्राची निवड करुन अनेकांना मोठा धक्का दिला आहे. त्या सेलिब्रेटी व्यक्तीचे नाव रवि किशन आहे. ते भोजपूरी चित्रपटांमधील मोठे कलावंत आहे.

बीजेपीचे खासदार असणाऱ्या रवि किशन यांच्या मुलीनं इशिता शुक्लानं आता भारतीय सैन्य दलात जाण्याचा निर्णय घेतला आहे. सोशल मीडियावर या बातमीनं अनेकांचे लक्ष वेधून घेतले आहे. यापूर्वी कित्येक बॉलीवूड सेलिब्रेटींची मुलं ही मनोरंजन विश्वात आपलं करिअर घडवण्यासाठी आल्याचे दिसून आले. वेगळ्या क्षेत्रामध्ये त्यांनी न जाता परंपरागत क्षेत्राची निवड करत त्यातच समाधान मानले आहे.

Also Read - Internet shutdown : खरोखरच इंटरनेट बंद केल्याने दंगली थांबतात का?

मात्र रवि किशन यांच्या मुलीची गोष्ट वेगळी आहे. त्यांची मुलगी इशिता शुक्लानं सैन्य दलात जाण्याचा निर्णय घेतला आहे. ती बातमी सोशल मीडियावर व्हायरल होताच त्यावर नेटकऱ्यांनी कौतूकाचा वर्षाव केला आहे. तिला खूप साऱ्या शुभेच्छाही दिल्या आहेत. इशिता ही आता २१ वर्षांची आहे. इशिताचं कौतूक करताना एका युझर्सनं लिहिलं आहे की, आम्हाला तुमचा खूप गर्व वाटतो. तुम्ही एक आदर्श उदाहरण बाकींच्यासमोर ठेवले आहे. यापूर्वी असे कधीही घडले नव्हते.

रवि किशन यांच्यावर देखील नेटकऱ्यांनी कौतूकाचा वर्षाव केला आहे. त्यांना शुभेच्छाही दिल्या आहेत. इशितानं २६ जानेवारीच्या परेडमध्ये भाग घेतला होता. एनसीसीमधून २६ जानेवारीच्या परेडमध्ये भाग घेणारी १४८ मुलींमधून ती एकमेव होती. रवि किशन यांनी देखील सोशल मीडियावर ट्विट करुन यासंबंधी एक माहिती दिली आहे.

रवि किशन यांनी लिहिलं आहे की, मला माझ्या मुलीचा गर्व आहे. तिनं प्रजासत्ताक दिनाच्या निमित्तानं एका परेडमध्ये भाग घेतला होता. रवि किशन यांना तीन मुलं आहेत त्यांची नावं रीवा, तनिष्क आणि सक्षम असे आहे. रिवाला वडिलांसारखे चित्रपट क्षेत्रामध्ये यायचे आहे. ५३ वर्षांचे रवि किशन मनोरंजन विश्वातील प्रसिद्ध नाव आहे.