रितेश-जेनेलियाच्या आयुष्यात वादळाची घंटा;अभिनेत्याने स्वतः सांगितले...

रितेश देशमुख(Ritesh Deshmukh) आणि जेनेलिया डिसोझा(Genelia Dsouza) यांच्या लग्नाला आता जवळ-जवळ दहा वर्ष होऊन गेली आहेत. या दोघांचा प्रेमविवाह. अनेकदा यांची लव्हस्टोरी आपण त्यांच्या तोंडून ऐकली असेल. यांचं जुळून आलं तेव्हा तत्कालीन मुख्यमंत्री विलासराव देशमुख यांचा रितेश हा मुलगा असल्यामुळे जेनेलियाच्या हाती मोठं घबाड लागलं असं अनेकांनी बोलून दाखवलं. पण त्याही उपर जेनेलिया एका कॅथलिक कुटुंबातून येऊन मराठमोळ्या मोठ्या खानदानी कुटुंबाची सुन म्हणून ज्या पद्दतीनं समाजात वावरली किंवा वावरते ते खरंच तारिफे काबिल. लग्नाच्या इतक्या वर्षांनतरही दोघांचं मॅरिड लाइफ उत्तम सुरू आहे ते पाहून अनेकांना कदाचित हेवा वाटत असेल. जेनेलियानंही आपलं चांगलं करिअर सोडून पूर्णपेणे कुटुंबाला वेळ देण्याचा निर्णय घेतला,कमी वयातही दोन मुलांना जन्म देऊन आई होण्याची मोठी जबाबदारी स्विकारत सगळं उत्तम हॅंडल केलं. अनेकदा हे दोघे सोशल मीडियावर आपल्या कुटुंबासोबतचे,किंवा फक्त त्या दोघांचे असे फोटो,व्हिडीओ शेअर करीत असतात. त्यामुळे त्यांच्यात सगळं आलबेल सुरू आहे याचे दाखले मिळतात आपल्याला.

हाच तो व्हिडीओ जो रितेश देशमुखने सोशल मीडियावर शेअर केला आहे.

पण आता रितेशने असा एक व्हिडीओ शेअर केलाय की ज्यामुळे त्याच्या मॅरिड लाइफचं होत्याचं नव्हतं व्हायची वेळ आली आहे. रितेश-जेनेलिया नेहमीच त्यांचे स्वतःचे,दोघांचे किंवा त्यांच्या मित्र-मैत्रिणींसोबतचे फनी व्हिडीओ सोशल मीडियावर शेअर करीत असतात. पण आता रितेश एक घोड चूक करून बसलाय. त्यानं पोस्ट केलेल्या एका व्हिडीओत त्यानं चक्क त्याच्या 'EX' विषयी भाष्य केलंय. त्याउपर त्यानं लोकांना प्रश्न केलाय की,''लोक का घाबरतात त्यांच्या एक्सविषयी भाष्य करायला?'' आता यावर जेनेलिया वहिनी भडकून काही तरी पोस्ट करणार हे ठरलं. आता प्रतिक्षा आहेच तिच्या व्हिडीओची. कारण असंच या दोघांत थोडीशी कुरबूर झाली होती जेव्हा रितेशने प्रिती झिंटाला खूप वेळ जेेनेलियाच्यासमोर मिठीत घट्ट पकडलं होतं. सोशल मीडियावर या व्हिडीओने धुमाकूळ घातला होता. असो,झालं ते का आठवायचं म्हणा. पण आता हा 'EX' विषयी बोलल्याचा व्हिडीओ पोस्ट करून रितेशने आपल्या पायावर कुऱ्हाड मारून घेतली आहे हे मात्र नक्की. चांगला नजर लागेल असा संसार सुरू असताना काय रितेशला हा वेडेपणा सुचला माहीत नाही. त्याला तो भारी पडू नये म्हणजे झालं.